پاکستان له افغان تجارانو په غیر قانوي ډول پېسې اخلي

پاکستان له افغان تجارانو په غیر قانوي ډول پېسې اخلي پاکستان هېواد افغان ټرنسپورټ ایسوسیشن وايي، د توکو د انتقال په وخت کې پاکستان له افغان سوداګرو نه په غیر قانوني ډول پیسې اخلي،

ګاونډي هېوادپاکستان کې د افغانستان ټرانسپورټ ایسوسیشن استازو غوښتنه وکړه، چې د پاکستان له خوا دې د غیر قانوني پیسواخيستل منع شي.دوی د پاکستان له لوري د غیر قانوني مالیاتو اخذ د ځنډېدو غوښتنه کوي. تجارانو او د ټرانسپورت ټولنې استازو د خیبر پښتونخوا له حکومت غوښتي چې د افغان سوداګرو څخه د غیر قانوني پیسو د را ټولېدو مخنیوی دې وکړي او په خیبر پښتونخوا کې دې د افغانستان سوداګرو د توکو د انتقال لپاره په لارو کې مشکل هم نه جوړوي،

دا اول وار نه دی چې افغان تجاران د پاکستان له لوري له دوی څخه د غیر قانوني پیسو له اخیستلو شکایت کوي بلکې تر دې مخکې هم د هېواد تجارانود پاکستان پولیسو له خوا د غیر قانوني پیسو له اخیستلو شکایت او نیوکې کولې،دغه هېواد د افغانستان هغه ګاونډی هېواد دی چې تر ډېره یې د وګړو اړتیاوې او سوداګرۍ پر یو بل ولاړې دي او د سوداګرۍ اړیکو په ټکنۍ کېدو سره د دواړو هېوادونو د وګړو ورځنۍ اړتیاوې لا سختیږي.د دواړو هېوادونو سوداګري تر ډېره د خپلمنځي اختلافاتو قرباني شوي هم دي،

کله هم چې افغانستان سره د پاکستان د سیاسي اړیکو په خرابېدو سره هر ځل پاکستان له افغانستان سره مهمې سوداګریزې لارې بندوي او افغان سواګرو ته د صادراتو او وارداتو اجازه نه ورکوي چې ورسره افغان سوداګرو ته هم په میلیونونو تاوان اوړي.څو اوونۍ وړاندې پاکستان د کرونا ویروس د خپرېدو د مخنیوي لپاره د تورخم او سپین بولدک سوداګریزې لارې تړلې وې، چې افغان سوداګرو ته یې درانه مالي زیانونه واړول خو د دواړو حکومتونو تر منځ تر تر ډېرو بحثونو وروسته په اوونۍ کې د شپږو ورځو لپاره پر پرانیستو یې فیصله وشوه،

اوسمهال تېره ورځ وړاندې هم د کندهار په سپین بولدک ولسوالۍ کې د یو لاریون په ترڅ کې له پاکستان دولت وغوښتل چې سوداګري دې له سیاست نه قربانوي او د یو ښه ګاونډي تمثیل دې بس کړي.احتجاجونو د پاکستان قونسلګرۍ مخ ته لاریون کړی و او له پاکستان یې وغوښتل چې افغانانو ته دې ځواب ورکړي چې دوست هېواد دی ګه دوښمن، که له افغانستان سره دوستي کول غواړي د سوداګرو او خلکو د تګ را تګ پر مخ دې لارې نه بندوي او که نه نو له افغانستان دې خپلې ټولې نماینده ګۍ ختمې کړي،

اوس وخت د دې رارسېدلۍ دۍ چې باید د دواړو هېوادونو دولتونه کيني ا داډول مسایل ته د حل لاره اووګوري ترڅو دا ډول کړنو مخه ونیول شي،او د دواړو هېوادونو ترمنځ تجارت لا نورهم پراخه شي ترڅو د دواړو هېوادونو سوداګرو تهګټه وريږي څومره چې سوداګر راکړه ورکړه ډېره شي نو د دوترو هېواد اقتصاد به هم قوي وي او عواید به ورځ تربلې نور هم زیاتيږي

مولوي طارق جميل ديوټيوب چینل نه سومره پیسې وګټلې

د پاکستان مشهور پنجابۍ  ملا او د تبليغي ډلې مشر مولانا طارق جميل د خپل يوټيوب چېنل نه هر کال ١.٥ ميليونه امريکايي ډالر ګټي هغه چې خپل هر یو بیان یوټیوب چینل کې خپروي او د امغې لارې نه وزته سالانه ۱ږ۵ میلونه ډالر راري .

مولانا طارق جميل چې د مشهورې ويناوې او بيانونه د هغه په خپل يوټيوب چېنل کې خپرېږي، ډېر ليدونکي لري او ويل کېږي چې په پاکستان کې د هغه يوټيوب چېنل د ليدونکو په کچه باندې په ٢٠م مقام کې دى.

د سوشل بلېډ د معلوماتو له مخې، د مولانا طارق جميل يوټيوب چېنل چې تر دې مهاله پورې يې پکې ٥٥٠ ويډيوګانې خپرې کړې دي، ٣.٢٦ ميليونه سبسکرايبر لري او د ٢٠١٧ کال د مارچ په ٢٩مه نېټه جوړ شوى دى..

د هغه چينل په پاکستان کې يو له هغه يوټيوب چېنلو څخه دى چې ډېر ليدونکي لري او د پاکستان په کچه ٢٠م مقام لري.

مولوي طارق جميل ديوټيوب چینل نه سومره پیسې وګټلې
مولانا طارق جمیل

د سوشل بلېډ د معلوماتو له مخې، د مولانا طارق جميل د يوټيوب چېنل هره مياشت له ٧ زره او ٩ سوه څخه تر ١٢٦ زره امريکايي ډالرو پورې ګټي او د کال بيا له ٩٤ زره څخه تر ١.٥ ميليونه امريکايي ډالرو پورې ګټي.

د مولانا طارق جميل يوټيوب چېنل هره ورځ په زرګونو امريکايي ډالر ګټي، د هغه زياتې ويډيوګانې ميليونونو کسانو کتلي دي چې تر ټولو زياته کتل شوې ويډيو يې بيا ٦.٨ ميليونه کسانو کتلې ده.

٦٧ کلن مولانا طارق جميل د پاکستان د پنجاب ايالت په خانېوال کې زېږېدلى دى، هغه د لاهور په دولتي پوهنتون کې زده کړې ترلاسه کړې دي او له هغه وروسته يې بيا په جامعه عربيه کې ديني زده کړې کړي دي.

هغه د تبليغي جماعت يو غړى دى، خو په تبليغي جماعت کې بيا تر ټولو مشهور کس هم دى، ځکه تر ډېره پورې ويناوې او بيانونه يې ډېر خلک اوري، په ټلويزيونونو کې هم د هغه بيانونه ډېره ښکاره کېږي او په ټولنيزو رسنيو کې هم ډېر ليدونکي لري.