راشد خان دا ځل بیا هم د غوره توپ اچوونکو د لېست په سر کې ځای خپل کړ او غوره بالر بلل شوی دی

د کرکټ نړیوالې شورا “ICC” پرون (چهارشنبه د لیندۍ ۷مه) د نړۍ د غوره لوبډلو او غوره لوبغاړو تازه درجه‌بندي اعلان کړه، چې په کې راشد خان د ۶۸۷ امتیازونو په ترلاسه کولو او د یوې درجې په پورته کېدو سره یو ځل بیا د نړۍ د غوره توپ اچوونکو په سر کې ځای خپل کړ.

راشد خان په دې درجه‌بندۍ کې د یو ورځنیو نړیوالو یا “۵۰ اوریزو” سیالیو د بالرانو یا توپ اچوونکو په برخه کې یوه درجه پورته شو او د پښتونخوا له شاهین اپریدي څخه وړاندې شو. د جنوبي افریقا لوبغاړی کیشاف مهاراج له راشد خان او شاهین اپریدي وروسته د نړۍ درېیم غوره توپ اچوونکی شو.

د راشد خان غوره بالېنګ

هیټریک د کرکټ په اصطلاح کې په دریو پرله پسې توپونو د دریو لوبغاړو سوځولو یا اوټ کولو ته وايي. راشد خان د کرکټ د نړیوالې شورا د درجه بندي په اساس، د ۲۰ اورونو په نړیوالو لوبو کې لومړی ځای لري.

راشد خان له څو کلونو راهېسې په دغه لیګ کې لوبېږي خو دا یې لومړی ځل و چې هیټریک یې وکړ. دغه افغان لوبغاړی د ګجرات ټایټنز په لوبډلې کې لوبېږي او نن د خپلې لوبډلې کپتان هم و.

نور ولولئ: د راشد خان نوی ریکارډ؛ په دریو توپونو یې درې لوبغاړي وسوځول

نور ولولئ: د لوبې پر مهال د راشد خان حرکات او د هغه راښکونکې ننداره

همدارنګه، د افغانستان بل لوبغاړی محمد نبي د “آلرونډرانو” په برخه کې خپل لومړی ځای ساتلی، او راشد خان هم په دې برخه کې د نړۍ په درېیم ځای کې پاتې شوی دی.

په شل اوریزو سیالیو کې، د هند لوبغاړی جسپریت بومرا د ۸۸۳ امتیازونو په ترلاسه کولو سره د دوو درجو په پورته کېدو سره د سر ځای خپل کړ. د سویلي افریقا ربادا یوه درجه ښکته شو او دویم ځای یې ترلاسه کړ.

رحمان الله ګربز او په لېست کې د هغه ځای

افغان توپ وهونکی رحمان الله ګوربز، په خپل ځای کې پاتې شوی او په ۵۰ اوریزو سیالیو کې د توپ وهنې په برخه کې د نړۍ په اووم ځای کې دی، او په شل اوریزو کې لسم ځای لري.

د افغانستان د کرکټ ملي لوبډله په ټیمي درجه‌بندۍ کې په درې واړو برخو (شل اوریزې، ۵۰ اوریزې، او ټیسټ) کې په خپل حال پاته شوې. افغانستان په یو ورځنیو نړیوالو سیالیو کې د نړۍ اتم، په شل اوریزو کې لسم، او په ټیسټ سیالیو کې دوولسم ځای لري.

د افغانستان لوبډلې د ټیست لوبو ډېر لږ چانس موندلی دی.