امریکایان به نن سې شنبه د خپل راتلونکې ولسمشر د ټاکلو لپاره رایه اچوي

د امریکا د راتلونکې ولسمشرۍ لپاره په سخته سیالۍ کې کامېلا هېرېس او پخوانی ولسمشر ډونالډ ټرمپ سره مخامخ دي او دواړه کافي پلویان لري.

د امریکا خلک د څلورو کلونو لپاره د خپل هېواد د راتلونکي ولسمشر يا ولسمشرې ټاکلو لپاره نن سې شنبې (۵ نومبر) رايې اچوي. په دې ټاکنو کې د ديموکرات ګوند لپاره کمالا هرېس او د جمهوريپال ګوند له لوري ډونلډ ټرمپ د سيالۍ ډګر ته راوتلي دي.

دواړو نوماندانو خپلې وروستۍ ټاکنيزې منډې ترړې د امريکا هغو ايالتونو کې متمرکزې کړې وې چې تر ډېره د ټاکنو ګټلو برخليک ورپورې تړلی دی.

د اقتصاد ښه کولو ژمنې

د کمالا هرېس او ډونلډ ټرمپ تر منځ سيالۍ خورا سخته او نژدې روانه ده. د کمپاين په وروستۍ ورځ کمالا هرېس د اقتصاد ښه کولو ژمنې او د يوالې خبرې کولې بل پلو سيال يې ډونلډ ټرمپ بیا د اقتصاد تر څنګ د ناقانونه کډوالۍ پر وړاندې پر کلکې مبارزې ټينګار کاوه.

شمېرې ښيي چې په امريکا کې شاوخوا ۱۴۴ ميليونه خلک د رايو ورکولو وړ دي چې تر نيمايي ډېرو يې وار دمخه خپلې رايې کارولې دي.

نور ولولئ: ولسمشر غني: ملګرو ملتونو او امریکا د ډیجیټلي حکومتولۍ مخه نیوله

نور ولولئ: د ډونالډ ټرمپ وروستیو څرګندونو ته د طالبانو غبرګون

نور ولولئ: د امریکا انتخابات؛ د ډونالډ ټرمپ او کماله هرېس تر منځ لومړنۍ مناظره

د فلوريډا پوهنتون د ټاکنو څېړنيز مرکز د وروستيو شمېرو له مخې ۸۱ ميليونه کسانو خپلې رايې وختي او يا د پوستې له لارې اچولې دي.

که څه هم دا شمېر له هغه ۱۰۱ ميليونه رايو چې په ۲۰۲۰ کال کې د کورونا وبا پر مهال خلکو له وړاندې کارولې وې ډېر کم دی.

ډونلډ ټرمپ به بدنامې کړې لیکوالې ته ۸۳ میلیون ډالره تاوان ورکوي

په اسانۍ د پایلو بدلېدل

د نظر پوښتنو له مخې سیالي دومره سره نږدې پر مخ روانه ده، چې یوازې دوه یا درې نومرې هم که هغه د ډونلډ ټرمپ په کټه وي یا د کمالا هرېس، په اسانۍ پایلې بدلولی شي.

کمالا هرېس د ټاکنيزو هلو ځلو وروستۍ ورځ ټوله په پنسلوانيا ايالت کې چې د ټاکنيزې سيالۍ تر ټولو ستر ډګر دی تېره کړه. د دغه ايالت ګټل ولسمشرۍ ته د رسېدو لپاره ډېر مهم بلل کېږي.

اغلې هرېس د خپلو پلویانو یوې غوڼډې ته وویل امریکا د نوي نسل مشرتابه ته چمتو ده.

نوموړې زياته کړه، “زموږ ټاکنیز کمپاین د امریکا د ولس لوړې هیلې، غوښتنې او ارمانونه رابرسېره کړل. موږ د هغه څه په اړه چې په ګډه یې کولی شو خوشبینه او تلوسي یوو.