د حماس-اسراییل د جګړې له امله میټا شرکت فیسبوک کې بدلون راولي
![meta](https://afghannow.net/wp-content/uploads/2023/10/Meta-348x196.png)
د میټا شرکت دا کار د فیسبوک د کاروونکو د خوندیتوب په خاطر کوي او لنډمهال بدلون به راولي
د مېټا شرکت وايي چې د حماس-اسراییلو د جګړې په اړه د فېسبوک د پوسټونو د نظر ورکړې «کومنټ» برخه کې په لنډمهالې توګه ځینې بدلونونه رامنځته کوي.
د یاد شرکت په وینا، دغه ګام یې په ځانګړې سیمه کې د فېسبوک کاروونکو د خوندیتوب لپاره کړی دی. مېټا د یادو بدلونونو موخه د بحث لپاره د یوه خوندي او کنټرول شوي چاپېریال رامنځته کول او له سپکاوي ډکو او پارونکو څرګندونو مخنیوی دی.
دا بدلونونه به څه ډول وي؟
د دې پرېکړې له مخې، په ځانګړې سیمه کې به د فېسبوک پوسټ کوونکي ملګري او فالورز یوازې د نوموړي تازه پوسټونو باندې نظر «کومنټ» ورکولای شي.
نور ولولئ: د وټساپ نوي بڼه به اېچډي انځورونه لېږدوي
دې شرکت د ناغوښتل شویو نظرونو برخه کې د محدودیتونو سربېره د کاروونکي «یوزر» د تړلو «لاک» برخه کې هم اسانه کړې او کاروونکی کولای شي، یوازې په یوه ګام کې خپل فېسبوک اکونټ وتړي.
ځینې نورې برخې یې هم کنترولېږي
د دې ترڅنګ د مېټا د نوې پرېکړې له مخې، د فېسبوک کاروونکي به د پوسټ ځینې نظرونه یا کومنټونه هم ونهشي لیدلی.
مېټا شرکت خبرداری ورکړی او ویلي یې دي چې دغه بدلونونه فېسبوک کې د لاسرسي وړ دي او هغه کاروونکي یې چې نهغواړي، کولای شي له دې بدلونونو استفاده ونهکړي.
مېټا پر خپل وېبسایټ لیکلي: «زموږ لیدلوری داسې جوړ شوی چې زموږ له اپ څخه د کارونې پر مهال کاروونکي خوندي ساتي او غږ یې رسوي. موږ دا تګلاره په ټوله نړۍ کې پلې کوو او دا خبره سمه نهده چې ګواکې موږ د خلکو غږ ځپلو.»
نور ولولئ: د میټا شرکت مشر زوکربرګ ویلي د ۱۰ زره کارکوونکو دندې ختموي
خو پر دې سربېره د رویټرز خبري اژانس خبر ورکړی چې د میټا شرکت به په سیمه کې خپل کاروونکي خوندي او بل به ددې مخه ونیسي، تر څو د یادې جګړې په اړه نور اضافي تاوتریخوالي ته لمن ووّهي.
دا کار وروسته له هغه کېږي چې د حماس او اسراییلو تر منځ جګړه پیل شوه او په زرګونو کسانو ته په کې مرګ ژوبله واوښته. پر غزه د اسراییلو بمباریو زیات شمېر ملکي وګړو ته مرګ ژوبله اوښتي ده او له بل لوري اسراییل بشري مرستو ته هم اجازه نه ورکوي چې غزې ته یې انتقال کړي.