د درنې واورې ورېدو او یخې څپې له امله د ۱۱۵۰۰ څارويو مړینه
![snow2](https://afghannow.net/wp-content/uploads/2024/03/Snow2-780x470.jpg)
په بلخ او پنجشیر ولایتونو کې د درنې واورې ورېدو او یخې څپې له امله ۱۱۵۰۰ څاروي له منځه تللي دي
هاخوا ځینې رسنۍ خبر ورکوي چې یاد شمېر له دې زیات دی. د درنې واروې او اورښتونو له امله په هغو ولایتونو کې مالداران ډېر زیانمن کړي چې زیاته واوره په کې کېږي او هوا په کې ډېره سړه شوې ده.
خو تازه د طالبانو تر کنټرول لاندې باختر اژانس خبر ورکړ، چې په بلخ ولايت کې د واورې د اورښت او سړې هوا له امله ١١٤١٨ کورني څاروي مړه شوي دي.
![snow1](https://afghannow.net/wp-content/uploads/2024/03/Snow1-300x170.jpg)
څارویو د ژغورنې لپاره د طالبانو هڅې
بلخوا دوه ورځې وړاندې د ریاست الوزا تر مشرۍ لاندې یوې کمېټې ته دنده سپارل شوي وه چې هغو سیمو ته د څارویو لپاره ګیا ورسوي چې د لوږې له ګواښ سره مخامخ دي، خو خلک بیا وايي چې د څارویو د خوړو رسول ناممکن دي، ځکه لارې د واورو له امله تړل شوي دي.
نور ولولئ: دافغانستان د هوا پېژندنې اداره: په ۲۵ ولایتونو کې به درنه واوره وورېږي
نور ولولئ: په افغانستان کې د درنې واورې اورېدو له امله ځینې لارې تړل شوي
نور ولولئ: طالبان: افغانستان کې درنې واورې ۹کسان مړه کړي
باختر اژانس د راپور له مخې؛ دغه څاروي په تېرو څو ورځو کې د دغه ولايت په بېلابېلو ولسواليو کې مړه شوي دي.
دغې رسنۍ د يکشنبې په ورځ (د کب ١٣مه) خبر ورکړی، چې د لارو د پاکولو په موخه يې د دغه ولايت په بېلابېلو سيمو کې بندو خلکو ته د څارويو خوراکي توکو رسول پيل کړي دي.
![snow](https://afghannow.net/wp-content/uploads/2024/03/Snow-300x170.jpg)
هغه سیمې چې څاروي په کې له منځه تللي
بل خوا د پنجشېر ولايت د طالبانو سيمه ييز چارواکي وايي، چې د دغه ولايت په شاتل، راغه او حصه اول ولسواليو کې د سختو واورو او سړې هوا له امله سل څاروي مړه شوي او لس کورونه ويجاړ شوي دي.
په ورته وخت کې د طالبانو تر واکمنۍ لاندې ملي ټلویزیون په سرپل ولایت کې په واورو کې د ژوندي پاتې شویو کسانو د ژغورنې لپاره د عملیاتو د دوام اعلان وکړ.
تر دې مخکې د افغانستان د فواید عامې وزارت اعلان کړی و، چې په کابل، بلخ، ننګرهار، کندهار، هرات، بدخشان، هلمند، غور، لغمان، اروزګان، زابل، پکتیا او پکتیکا ولایتونو کې د سختې یخنۍ له امله لږ تر لږه ۲۰ تنه مړه شوي او ۱۴ تنه نور ټپیان شوي دي.
د هوا پېژندنې ادارې د خبر له مخې که چېرته په افغانستان کې اوسنۍ سړه څپه دوام وکړي، کېدای شي چې خلکو ته نور مالي او ځاني زیانونه هم واړوي.