ساینسپوهانو د ملاریا د مخنیوي لپاره داسې د باکتریا طبیعي فشار کشف کړی دی

دوی داسې طبیعي فشار موندلی، چې په طبیعي توګه رامنځته کېږي او د غوماشو له لارې انسانانو ته د مالریا لېږد مخنیوي کې مرسته کولای شي.

دوی دا موندنه هغه مهال په تصادفي ډول وکړه، چې د غوماشو یوه ډله یې داسې حال کې ولیده چې د ملریا پارازیټ ته یې وده نه ورکوله. څېړونکي وايي، دا باکتریا د نړۍ له تر ټولو پخوانۍ ناروغۍ سره مبارزه کې یوه نوې اله ثابتېدای شي.

نور ولولئ: د موبایل څپې د انسانانو غږونه “کُرو” ته لېږدوي

د یادونې ده، چې ملریا هر کال په ټوله نړۍ کې نژدې ۶۰۰ زره کسان وژني. د نوې موندنې د خوندیتوب په هکله ارزونې پیل شوې دي.

دا نوي موندنه څه ډول لاسته راغله؟

په اسپانیا کې د درمل جوړونکي شرکت جي اېس کي ماهرینو پر درملو د تحقیق لپاره غوماشي یو ځای کړي و، خو هغه وخت یې نوې موندنې ته پام شو، چې د غوماشو دې ډلې ملریا نه لېږدوله.

د دې پروګرام مشره ډاکتره جانیت رودریګیوس په دې هکله وايي: په غوماشو کې د انفکشن کچه په کمېدو شوه او د کال په پای کې به غوماشي د ملریا له پارازیټه هېڅ نه اغېزمن کېدل. ”

د ماهرینو دې ډلې د ۲۰۱۴ کال تجربه کنګل کړې وه او دوه کاله وروسته یې د دې لپاره بیا کتنه ورته وکړه، چې معلومه کړي څه پېښ شوي.

په دې لړ کې نورو څېړنو ثابته کړه چې ټي سي ۱ په نامه باکتریا فشار چې په چاپېریال کې شته د غوماشو په کولمه کې د ملریا پارازیټ د ودې مخه نیسي.

بورکینا فاسو کې د دې نوښت د خوندیتوب په هکله څېړنه کېږي.

یاده باکتریا د غوماشو پارازیټ د لېږد وړتیا

په ساینس مجله کې نوې خپاره شوي معلومات ښيي چې دا باکتریا د غوماشو پارازیټ لېږد وړتیا تر ۷۳ سلنې پورې کموي. بورکینا فاسو کې اوس داسې تجربې کېږي چې په غوماشو کې د دې پارازیټ ودې مخنیوي کې دا ډول تخنیک څومره عملي او خوندي دی.

نور ولولئ: لرغونو مصریانو د مړو مومیا کولو کې کوم ډول طبیعي مواد کارول؟

تمه کېږي چې که د باکتریا پر بنسټ رامنځته شوی نوښت عملي او په یوه تولید بدل شي، په نړۍ کې تر ټولو له پخوانیو رنځونو د یوه مخنیوي لړ کې به یوه بله ګټوره اله د ماهرینو ګوتو ته ورشي.

دا په داسې حال کې ده چې په نړۍ کې ساینسپوهان د ناروغینو د مخنیوي لپاره نوي نوي څېړنې او موندنې کوي.