د هندوستان غوره ليګ سياليو په لړ کې تېره ورځ (يکشنبه د آپريل ۱۷مه) دوه لوبې وشوې چې په لومړۍ لوبه کې مومبيي لوبډلې، کلکتې لوبډلې ته ماتې ورکړه او په دويمه لوبه کې بيا راجستان لوبډلې، ګجرات لوبډلې له ماتې سره مخ کړه
د آی پي اېل سياليو په ۲۲ مه لوبه کې مومبيي اينډينس لوبډلې له يوې ښکلې لوبې وروسته کلکتې نايټ رايډرز لوبډلې ته ماتې ورکړه.
د نوموړې لوبې پچه د مومبيي اينډينس لوبډلې لوبډلمشر روهيت شرما وګټله او لومړی يې د توپ اچونې پرېکړه وکړه.
د کلکتې لوبډلې له لوري په توپ وهنه کې وينکتش اير، انډر رسل او رينکو سينګ تر نورو ښه لوبه وکړه. وينکتش اير په ۵۱ توپونو ۱۰۴ منډې، رسل په ۱۱ توپونو ۲۱ ناسوزيدلې منډې او سينګ په ۱۸ توپونو ۱۸ منډې جوړې کړې. کلکتې لوبډلې د ۲۰ اورنو په لوبولو سره ۱۸۵ منډې جوړې کړې چې شپږ لوبغاړي يې وسوزيدل او ۱۸۶ منډې هدف يې سيالې لوبډلې ته وټاکه.
د مومبيي اينډينس لوبډلې له لوري په توپ اچونه کې هريټيک شاکين، پېيش چاولا او کامرون ګرين ښه توپ اچونه وکړه. شاکين په ۴ اورونو کې ۳۴ منډې ورکړې او دوه ویکټې يې ترلاسه کړې، چاولا په ۴ اورونو کې ۱۹ منډې ورکړې او ګرين بيا په ۲ اورونو کې ۲۰ منډې ورکړې او دواړو يوه-يوه ويکټ ترلاسه کړه.
مومبيي اينډينس لوبډلې د اېشن کېشن، سوريا کومار يادو او ټيلک وارما د ښې لوبې پر مټ ټاکلی شوی هدف تر لاسه کړ. د د دوی سيالې لوبډلې، کلکتې له لوري بيا سوياش شرما، لاکي فيګوسن او شرډول ټکور ښه توپ اچونه وکړه.
د دويمې لوبې پچه د راجستان رويلس لوبډلې لوبډلمشر پاډيکال وګټله او لومړی يې د توپ اچونې پرېکړه وکړه
ګجرات ټايټنس لوبډلې لومړی توپ وهنه وکړه، د دوی له لوري ډېوډ ميلر، شبمن ګيل او لوبډلمشر هارډيک پانډيا تر نورو ښه لوبه وکړه. د ګجرات ټايټنس لوبډلې د شل اورونو له لوبولو وروسته ۷ لوبغاړي له لاسه ورکړل او ۱۷۷ منډې يې وکړې چې خپلې سیالې لوبډلې ته يې د ۱۷۸ منډو هدف وټاکه.
د راجستان رويلس لوبډلې له لوري بيا په توپ اچونه کې سنډيپ شرما، آدم زمپا او يزوېنډرا چهال ښه توپ اچونه وکړه.
د راجستان رويلس لوبډلې له لوري سنجو سمسون، شيمرون هيټماير او ډېوډټ پاډيکال ښه لوبه وکړه او ټاکلی شوی هدف يې ترلاسه کړ.
د ګجرات له لوري په توپ اچونه کې بيا محمد شمي، راشد خان او هارډیک پانډيا ښه توپ اچونه وکړه.
د نن لوبی له حاله هم خبر شئ
د هندوستان په غوره ليګ سياليو کې نن يوه لوبه ترسره کيږي چې رايل جنلجرز بنګلور لوبډله له چينای سوپر کينګ لوبډلې سره مخامخ کيږي.
