عمران ادعا کوي چې د پاکستان پوځ له ۷۰ کالو راهیسې پر دغه هېواد حاکم دی.
د پاکستان پخوانی لومړی وزیر او د تحریک انصاف ګوند مشر عمران خان وايي، په دغه هېواد کې پوځ له اوو لسیزو راهېسې په مستقیم او یا هم غیرمستقیم ډول پر دې هېواد واکمن دی.
نوموړي د پاکستان په سیاست کې د پوځ پر ښکېلتیا او د دغه هېواد پر اوسني حالت ځانګړې مرکه کړې.
نوموړی وايي که “څوک فکر کوي چې پوځ په حکومتولۍ کې ښکېل نه دی، ځان غولوي.”
پر پوځ د پاکستان د دغه پخواني لومړي وزیر نيوکې وروسته له هغه ډېرې شوې، چې نوموړی له واکه لېرې کړل شو.
نور ولولئ: عمران خان وايي، په پاکستان کې د ځنګل قانون واکمن دی
ښاغلی خان که څه هم له زندان بهر دی خو په تېره یوه میاشت کې یې سیاسي واک سخته ضربه لېدلې ځکه چارواکو یې د ګوند پر ضد پراخ عملیات پیل کړي دي.
د تحریک انصاف ګوند ځینې غړي
د مهمو غړو په ګډون یې لسګونه کسان له ګونده وتلي دي.
ډېری یې په مشرتابه کې وو چې اوس یې استعفاوې کړې دي. زرګونه پلویان یې په زندانونو کې دي او ځینې یې په پوځي محکمو کې محاکمه کېږي.
نوموړی وايي، د هغو کسانو پر ځای به په خپل ګوند کې نوي کسان معرفي کوي چې “له دندو ګوښه کولو ته اړ کړل” شوي دي. خو نوموړی اندېښمن دی چې ښايي له نویو کسانو سره یې “ورته چلن وشي.”
فواد چوهدري او فردوس عاشق اعوان له تحريک انصاف ګوند وتلي
عمران خان څه غواړي؟
ښاغلي خان له پوځ سره د خبرو اترو غوښتنه کړې چې په وینا یې هدف یې دا دی چې ترینګلی حالت ورسره کابو کړي.
عمران خان د فرانسې له یوه خبري اژانس سره په مرکه کې ویلي و، ”زما پر ګوند د کړۍ تنګولو پر ځای راشئ کېنئ خبرې وکړو. د مذاکراتو پر مېز مې پوه کړئ، چې ولې زه د دې هېواد لپاره خطرناک بلل کېږم. ”
عمران خان زیاته کړه: ”زه یې یوازې کړی یم، ځکه زموږ د ګوند مشرتابه نور غړي نیول شوي دي، زموږ لس زره ګوندي ملګري نیول شوي دي، هر هغه کس نیول کېږي، چې د پي ټي ای (پاکستان تحریک انصاف ګوند) پلوي دی، یا پټ شوي دي…زه یوازې پاتې شوی یم. ”
دا ځای کلیک کړئ: عمران خان: کلابند یم، ښايي بیا ونیول شم
د یادونې ده، چې د روانې میاشتې پر نهمه پلازمېنه اسلام اباد کې د ښاغلي خان له نیول کېدو وروسته د پاکستان په ځینو سیمو کې خورا سخت احتجاجونه وشول او ځینو ډلو د دې هېواد پر پوځي تاسیساتو او پر پوځي مرکز هم یرغلونه وکړل.
