نړۍ خبرونه

عمران خان وايي، په پاکستان کې د ځنګل قانون واکمن دی

د پاکستان پخواني لومړي وزير عمران خان د دغه هېواد د بهرنیو چارو د پخواني وزیر شاه محمود قریشي د بیا نیول کېدو خبر ورکړی او ویلي یې دي چې په دغه هېواد کې د ځنګل قانون حاکم دی

نوموړي په یوه ټویټ کې لیکلي:” د پاکستان د تحریک انصاف مرستیال شاه محمود قریشي د دغه ګوند د کارکوونکو او پلویانو په څېر په ضمانت له خوشي کېدو وروسته بیا نیول شوی دی.”

نور ولولئ: عمران خان: کلابند یم، ښايي بیا ونیول شم

عمران خان زیاته کړې:” د ځنګل قانون په موږ حاکم دی، زور په حق دی، یوازینی شی چې په وړاندې یې ولاړ دی، هغه زموږ قضائیه ځواک دی.”

په دې وروستيو کې د عمران خان په زرګونو ملاتړي د روانې میاشتې په لاریونونو کې د تاوتریخوالي په تور په زندانونو کې دي

اټکل دا دی چې دا کسان به د پاکستان په پوځي محکمو کې محاکمه شي.

د مې میاشتې په نهمه په اسلام اباد کې د عمران خان د نیول کېدو په غبرګون کې د هغه پلویانو د پاکستان په مختلفو ښارونو کې پراخ لاریونونه وکړل چې ځینې یې له پولیسو سره په تاوتریخوالي واوښتل.

نور ولولئ: عمران خان وايي که له محکمې ووځم نو وبه نیول شم

د پاکستان دوه محکمو د عمران خان او د هغه د مېرمن ضمانتونه منلي، خو د پاکستان صدراعظم شهباز شریف د روانې میاشتې په لاریونونو کې په تاوتریخوالي تورنو کسانو د محاکمه کولو ژمنه کړې ده.

عمران خان پر ځان لګول شوي تورونه بې بنسټه او د پاکستان حالات د پوځي حکومت سره مشابه ګڼلي

خان د پاکستان اوسنی حکومت پر قضائیه قوې د فشار په واردولو تورن کړی دی.

نوموړي وویل: “زموږ هیله یوازې قضائیه قوې ته ده. خو د دې لپاره چې د تحریک انصاف ګوند ته سهولت برابر نشي، پر قضائیه قوه فشار اچول کیږي.”

د پاکستان پوځ او حکومت دواړو د عمران خان له نیول کېدو وروسته د اړو دوړ د رامنځته کېدو د تورونو د څېړلو لپاره په دغه هیواد کې د پوځي محکمو د جوړېدو اعلان کړی

په پاکستان کې د پوځي محکمو د جوړېدو خبرونو په پاکستان او له دغه هېواد دباندې غبرګونونه پارولي دي. د پاکستان لپاره د امریکا پخواني ځانګړي استازي زلمي خلیلزاد دغه محکمې د پاکستان د پوځي دیکتاتورۍ سره معادلې ګڼلې دي.

نور ولولئ: د عمران خان په نیول کیدو غبرګونونه راوپاريدلي

خلیلزاد وايي، د پاکستان د پوځ لوی درستیز د ولسواکۍ پر سرو کرښو تجاوز ته دوام ورکوي.

د پوځې محکمو جوړیدل په پاکستان کې نوی نه خو یو ډېر کم ساری اقدام دی. هغه افراد چې د پاکستان پر خلاف جګړې، د پاکستان پر پوځ بریدونو، ترهګرۍ، پر امنیتي ادارو او ودانیو په حملو تورن وي، په پوځي محکمو کې محاکمه کیږي.

مسعود

مسعود د حقایقو مدافع دی. هغه په ​​​​دې باور دی چې دا مهمه ده چې خبرې وکړئ او د هغه څه لپاره مبارزه وکړئ چې سم دي، پرته له دې چې لګښت څه وي.

اړوند خبرونه

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Back to top button