اړوند خبرونه:
د افغانستان سرپل ولایت کې هره ورځ د ۹۰۰ټنه نفتو استخراج
شهاب الدین دلاور: چنايي شرکت ته هله کانونه ورکوو چې افغانستان کې پروسس وکړي
ځايي مسوولان وايي، د کندهار انارو څخه به سږکال ۲۴۷ زره ټنه حاصل ترلاسه شي
کندهار کې د طالبانو د کرنې ریاست ویاند رسنیو ته ویلي، چې سږکال به د دغه ولایت انار شاوخوا ۲۷۴ زره ټُنه د انارو حاصل ولري.
د یاد ریاست ویاند محمدحنیف حقمل زیاته کړې چې، دا حاصلات د ارغنداب، ارغستان، شاولیکوټ، خاکریز، زېړۍ، پنجوایي، معروف، ډنډ، دامان او میانیشین ولسوالیو ترلاسه کېږي.
د حقمل د مالوماتو پر اساس په یادو ولسوالیو کې پر شاوخوا ۱۵زره هکټاره ځمکه د انارو بڼوڼه موجود دي.
نوموړی زیاتوي چې د ارغنداب او ارغستان انار په نړیوالو بازارونو کې ځانګړي غوښتونکي او د ښه کیفیت له امله ځانګړی نوم لري.
د هغه په وینا، سږکال د افتونو او ناروغیو اغېزې لږې وې نو له همدې امله حاصلات ښه شوي.
بل لورته بیا بڼوال د حاصلاتو په راټولولو، بستهبندۍ او نورو برخو کې د طالبانو د کرنې له ریاسته د لا ډېرو مرستو غوښتنه کوي.
دوی وایي سږکال انار له ناروغیو پاک او کیفیت یې د نورو کلونو په پرتله ډېر ښه دی.
کندهاري انار د نورو هېوادونو ترڅنګ په داخل د افغانستان کې هم ښه نوم او زیات مینه وال لري.
د دې مېوې له رسېدو سره سم د هېواد له ګوټ ګوټ خلک دغه ولایت ته د انارو د خوراک لپاره ورځي او یا له هغه ولایته انار غواړي.
