د طالبانو لوړو زده کړو وزارت ویلي چې دوی په ننګرهار کې د اقلیمي بدلون نړیوال کنفرانس جوړوي
طالب چارواکي داسې مهال دغه خبر ورکوي چې دوی لا د نړیوالې ټولنې برخه نه دي او په رسمیت نه دي پېژندل شوي.
د طالبانو د لوړو زدکړو وزارت د علمي چارو معين وايي، راتلونکې میاشت په ننګرهار کې د اقليم بدلون په هکله «نړيوال کنفرانس» جوړوي.
لطف الله خيرخواه نن په ننګرهار پوهنتون کې خبري غونډې ته وویل، دا کانفرانس به د لوړو زدکړو وزارت په کوربتوب ننګرهار پوهنتون کې د ۳ ورځو لپاره جوړ شي.
په دې کنفرانس کې به نړیوال کارپوهان ګډون کوي
باختر اژانس د نوموړي په حواله وايي، په دغه کانفرانس کې به د اروپايي او غربي هېوادونو په ګډون د نړۍ دګڼو هېوادونو استازي او د اقليم بدلون کارپوهان ګډون وکړي.
په دې ناسته کې د ننګرهار پوهنتون مشرپوهاند خليل احمد بهسودوال دا ډول غونډې د اقليم بدلون په اړه د عامه پوهاوي او د پوهنتوني استادانو لپاره ګټورې وبللې.
نور ولولئ: خصوصي پوهنتونونو ته د طالبانو نوی امر
نور ولولئ: د نجونو پر مخ د زدهکړو بندې دروازې؛ راتلونکې پسرلي کې به یې طالبان پرانیزي؟
نور ولولئ: د طالبانو د لوړو زدکړو وزارت وايي سږ کال نشي کولی په ټاکلې نېټه د کانکور ازموينه واخلي
تېره میاشت په دوبۍ د ملګرو ملتونو په نوښت د اقلیمي بدلون کاپ ۲۸ غونډه هم جوړه شوې وه، خو طالبانو ته پکې بلنه نه وه ور کړل شوې.
په افغانستان کې د ملګرو ملتونو سیاسي استازولی، یوناما، د دې غونډې بهیر کې وویل، افغانستان د اقلیمي بدلون په برخه کې په لسو زیانګالو هېوادونو کې دی، خو له دغې ستونزې سره د مبارزې لپاره تر ټولو لږ چمتووالی لري.
د یوناما له نظره د اقلیم په اړه ناکامي
د یوناما په خبره، طالبان لا ندي توانیدلي چې د اقلیمي بدلون سره د مبارزې لپاره یوه پالیسي او عملیاتي چاپیریال رامنځ کړي چې نړیوالو مالي سرچینو ته لاسرسی پیدا کړي.
ملګري ملتونه وايي، په افغانستان کې د درېیم کال لپاره پرله پسې وچکالي، اقتصادي ستونزې او په تیرو دوو کلونو کې د دوو ویجاړونکو زلزلو په ګډون د طبیعي پیښو زیان کچه لوړه شوې.
د اقلیم بدلون په روغتیا، حفظ الصحې، بې وزلۍ، کډوالۍ او په کور دننه بې ځایه شوو وضعيت لا پسې خراب کړی دی.
د یادونې وړ ده چې طالبان تر اوسه د اقلیمي بدلون په اړه داسې هر اړخیزه پالیسي نشته چې له نړیوالو سره ورباندې په دې برخه مشترک کار وکړي.
بل لور ته طالبان نه شي کولی چې په اوسنیو شرایطو کې چې ټولنه له سخت فقر سره مخامخ ده، د اقلیمي بدلون په برخه کې د پام وړ پایلې لاسته نه شي راوړلی.
