دغه ناحکومتي ټولنې افغانستان کې د طالبانو تر واک لاندې سیمو کې ښځو ته حقوق غوښتي دي
دا ټولنه (د افغان ښځو د مهارتونو پراختیا) په نوم ده چې په افغانستان کې د ښځو د مهارتونو د لوړتیا او حقوقو د تر لاسه کولو لپاره هڅې کوي.
ددې ټولنې مشره محبوبه سراج ده چې د نوبل جایزه ته هم نومانده شوې وه، خو دا جایزه یوې ایرانۍ ښځینه فعالې ته ترې ورکړل شوه.
نور ولولئ: محبوبه سراج د سولې د نوبل جایزې ته نومانده ده
دغه جایزه هغې ټولنې ته ورکړل شوې، چې د طالبانو تر واک لاندې سیمو کې د ښځو د حقونو د تر لاسه کولو له پاره هلې ځلې کوي.
د ورکړل شوې جایزې ارزښت
د محبوبه سراج په مشرۍ د افغان مېرمنو د مهارتونو د لوړولو په برخه کې دغې ټولنې ته ورکړل شوې جایزه درې لکه یورو ارزښت لري.
په افغانستان کې د طالبانو تر واکمنېدو وړاندې د مېرمنو له پاره شاوخوا دېرش ادارو کار کاوه، چې له هغې ډلې دا مهال یکي همدا یوه ټولنه (د افغان ښځو د مهارتونو پراختیا) شته چې د افغانستان په اتو ولایتونو کې چارې پر مخ بیايي.
نوبل جایزې ته د محبوبه سراج کاندیدل
د اسلو د سولې ځېړنیز مرکز مدیر هنرېک اورډال اعلان وکړ، چې د افغان فعالې محبوبه سراج نوم د سولې نوبل جایزې په وروستي نوملړ کې شامل شو. هغه زیاته کړه، چې سږکال د دغې جایزې احتمالي ګټونکي د بشري حقونو فعالان دي.
رویټرز خبري اژانس د جمعې په ورځ د (تلې ۷مه) راپور ورکړ، چې د سولې د نوبل جایزې په نوملړ کې د اوکراین د ولسمشر ولادیمیر زلنسکي، په روسیه کې مخالفه رهبر الکسي ناوالني نومونه هم شامل دي.
نور ولولئ: د د کن فستیوال جایزه ګټونکی فلم
سربېره پر دې له ایرانه د ښځو د حقونو مخکښه فعاله نرګس محمدي هم د سولې د نوبل جایزې په وروستي نوملړ کې راغلې ده.
هغه له څو کلونو راهیسې په زندان کې وه او د ایران د دولت له سختو مخالفینو څخه ده.
د محبوبه سراج تر څنګ یوه ایرانۍ فعاله
له دې وروسته د اسلو د سولې څېړنیز انسټیټیوټ اعلان وکړ، چې افغانه فعاله محبوبه سراج او ایرانۍ فعاله نرګس محمدي یې د سولې د نوبل جایزې د ترلاسه کولو لپاره د نوبل کمیټې ته وړاندیز کړی دی.
د اسلو د سولې څېړنیز انسټیټیوټ د طالبانو سره د خبرو اترو ملاتړی دی او په افغانستان کې د کړکېچن بشري وضعیت په اړه د نړۍ پام راړول اړین ګڼي.
د سولې د نوبل جایزې د نوماندانو په نوملړ کې د محبوبه سراج د نوم شاملېدل په افغانستان کې د ښځو فعالانو له غبرکونونو سره مل شو.
مجبوبه سراج سږ کال د نوبل د سولې نړۍوالې جایزې ته هم نومانده وه؛ خو هغه وايي چې د یو شمېر افغانانو د منفی تبلیغاتو له امله له دغې جایزې بې برخې شوه او هغه جایزه د ایران یوې فعالې نرګس محمدی تر لاسه کړه.
