د روسیې د بهرنیو چارو وزیر وايي، چې امریکا په افغانستان کې د لاسونې په هڅه کې ده
د روسیې د بهرنیو چارو وزارت ویلي چې امریکا په افغانستان کې له ماتې وروسته یو بیا په دې هڅه کې ده تر څو په دغه هېواد کې لاسوهنه وکړي او د خپلو ګټو د تعقیب په موخه ترې ګټه واخلي.
د روسیې د بهرنیو چارو وزیر وایي، چې امریکا او متحدین یې له ۲۰ کلن «اشغال» وروسته له افغانستانه وتښتېدل؛ خو نن بیا هم غواړي د دغه هېواد په کورنیو چارو کې «لاسوهنه» وکړي.
سرګي لاوروف وویل، امریکا او متحدین یې په منځنۍ اسیا کې د بیاځلي پوځي حضور په لټه کې دي.
په افغانستان کې د څپ څپانده وضعیت هڅه
هغه د پنجشنبې په ورځ (د لړم په ۱۰مه نېټه) د بېلاروس په مېنسک ښار کې د اوراسیا نړۍوال امنیتي ناسته کې وویل:« امریکا او متحدین یې چې له شل کلن اشغال وروسته له افغانستانه پښې سپکې کړې؛ نن غواړي چې د دغه هېواد په څپ څپانده وضعیت کې مداخله وکړي او د منځنۍ اسیا په هېوادونو کې د پوځي حضور لپاره پلمې جوړې کړي.»
نور ولولئ: د مسکو فارمټ غونډه کې پر طالبانو نوي فشارونه
نور ولولئ: د مسکو غونډه د لسو هېوادونو استازو د افغانستان وضعیت په اړه خبرې وکړې
نور ولولئ: ایران، پاکستان، چین او روسیې د افغانستان په اړه څلور اړخیزه ناسته وکړه
هغه په دې تړاو ډېر جزییات ورنه کړل؛ خو له افغانستانه د امریکا د وتنې په اړه یې وویل:«د هوايی څارنې او پلټنې» سره په افغانستان کې د ترهګریزو ډلو فعالیتونه ترڅار لاندې نیسي. د دغې طرحې له مخې، د امریکا پوځ په سیمه کې پر څار، کنټرول او د اړتیا په مهال پر ترهګرو بریدونو کې یې خپلې وړتیاوې پیاوړې کړې دي.
د افغانستان اوسنی هوايي حریم اشغال دی
تر دې وړاندې د طالبانو د دفاع وزیر په یوې ټلویزیوني مرکه کې ویلي و، چې دغه ډله د افغانستان په فضا کې د بهرنیو الوتکو د ګرځېدو د مخنیوي په لټه کې ده.
ملایعقوب ویلي و، چې لاهم د افغانستان هوایي حریم تر «اشغال» لاندې دی.
طالبانو پاکستان تورن کړی، چې د افغانستان خاورې ته د امریکایي الوتکو د ورتګ اجازه ورکوي.
د کندهار، کاپیسا، کابل، بدخشان، پنجشېر، نیمروز، هرات او د افغانستان د نورو ولایتونو په اسمان کې د بهرنیو بې پیلوټه الوتکو د ګرځېدو راپورونه ورکړل شوي دي.
سرګي لاوروف د بېلابېلو هېوادونو د سیاسي بدلونونو په برخه کې د امریکا د رول په اړه وویل:« د امریکا د یرغلیزو کړنو په پایله کې، ناټو او اروپایي ټولنه د ټوټه، ټوټه کېدو له ګواښ سره مخامخ شوې او ورځ تر بلې دغه ګواښونه مخ په زیاتېدو دي.»
