د سریلانکا کرکټ لوبډلې پخواني روزونکي مکي ارتر د انګلستان کرکټ لوبغاړو ته مشوره ورکړه، چې د هند پریمیر لیګ کې دې نه لوبېږي.
مکي ارتر چې، د سویلي افریقا او سریلانکا د لوبډلو روزونکی پاتې شوی، وايي که انګلستان خپله ټیسټ لوبډله ښه کول غواړي، باید خپل لوبغاړي په آی پي ایل کې له لوبېدو منع کړي.
دغه تجربه کار روزونکي ویلي چې اسټرالیا په ټیسټ کرکټ کې دومره ډیرې منډې نه وې کړې، خو کاونټي کرکټ یې ملامت نه شو ګڼلی، ملامتول هغومره اسانه دي لکه په ټیسټ کرکټ کې منډې جوړول.
نور یی ولوله | آیا د نیوټن پر سر د مڼې راولوېدو او د جاذبې قوې د کشف کېسه رښتیا ده؟
نوموړي چې تېر کال یې د سریلانکا کرکټ لوبډلې له روزنې لاس واخیست او د انګلستان کاونټي کرکټ کې د ډربي شایر مشر روزونکی شو، وایي له ډېرې مودې راهیسې کورنی کرکټ د نړیوالو لوبغاړو په چمتو کولو کې مهم رول لوبوي.
هغه زیاته کړې، زه فکر نه کوم چې سیستم کې دې ستونزه وي، که غواړې چې یو پیاوړی پړاو یا فصل پیل کړئ نو له بده مرغه تاسو باید خپل لوبغاړي له آی پي ایل راوګرځوئ.
