نوي څېړنه وايي، په توره شپه کې ډېره رڼا په پخو عمر لرونکو کې د الزایمر لرونکو کسانو خطر زیاتوي

الزایمر زیاتېدل یوه ناروغي ده.

الزایمر یا هېره هغه ناروغي ده چې عموماً د ډېر عمر کسانو ته پیدا کېږي خو احتمال شته چې د پاخه عمر کسان هم پرې اخته شي. له دې کبله اوس د دې ناروغۍ د مخنیوي لپاره ډېرې څېړنې کېږي.

په یوه تازه څېړنه کې ویل شوي چې د شپې په مخه ډېره رڼا، لکه د موبایل او یا تېز ګروپ (څراغ)، چې ځینې یې د رڼا ککړتیا بولي، په ۶۵ کلونو او تر دې د زیات عمر کسانو د الزایمر له زیاتېدو سره مرسته کوي.

په ډېر عمر لرونکو کې د الزایمر ناروغۍ زیاتېدل

څېړونکي وايي، ورته څرګنده شوې چې په شپه کې ډېره رڼا په الزایمر یا هېرې د ژر اخته کېدو خطر زیاتوي؛ په تېره بیا په هغو کسانو کې چې عمرونه یې ۶۵ کلونو ته رسیدلي دي.

د امریکا په شیکاګو کې د طبي مرکز استاد او د څېړونکو د ډلې مشر رابین ویګټ زووالا وايي:

“موږ ته څرګنده شوه چې د الزایمر ناروغۍ د خپریدو او د شپې له ډېرې رڼا سره مخامخېدل، په تېره بیا د پاخه عمر کسانو په منځ کې، له یو بل سره ډېر ارتباط لري.»

نور ولولئ: د مغزي سکتې په مخنیوي کې مرسته کوونکي خواړه

نور ولولئ: کوم خواړه د زیات وزن په بایللو کې مرسته کوي؟

څیړونکو په ۴۸ ایالتونو کې د رڼا اندازه په پام کې ونیوله او پر ګڼو کسانو یې څېړنې وکړې.

له رڼا پرته نور فکټورونه

دوی ته څرګنده شوه چې ډېره رڼا د الزایمر ناروغۍ یو عامل دی خو نور فاکتورونه یا عوامل لکه د قند یا شکر ناروغي، لوړ فشار، سټروک او نور هم خپل اغېز لري.

“موږ په ډاګه کوو چې په متحده ایالاتو کې د الزایمر ناروغۍ خپریدو او د شپې د رڼا سره د تماس ترمینځ مثبت تړاو شتون لري ، په ځانګړي توګه په هغو کسانو کې چې عمرونه یې د 65 کلونو څخه کم دي ،” مخکښ څیړونکی رابین وویګټ زووالا ، د رش پوهنتون د طبي مرکز همکار پروفیسور وویل.

ډېر کسان په تیاره کې له موبایل څخه د خواله رسنیو د لیدلو لپاره کار اخلي. په تیاره کې د ویډیوګانو او نورو مطالبو له لیدلو په دې خاطر هم ځان وساتئ چې سترګې مو کمزورې کېږي.