ملګرو ملتونو په افغانستان کې د خپل فعالیت تر ارزولو وروسته د جمعې په ورځ، په افغانستان کې د پاتې کیدو ژمنه تکرار کړله

په افغانستان کې د ملګرو ملتونو مرستندویه پلاوي دفتر یا یوناما وروسته تر هغه په افغانستان کې د خپل فعالیت اروزونه پیل کړله چې طالبانو پدې نړیوال سازمان کې د میرمنو په کار کولو بندیز ولګاوه.

نور ولولئ: امنیت شورا د یوناما ماموریت غځولی

د ملګرو ملتونو د عمومي منشي یو ویاند فرحان حق چې ددې اروزنې په هکله یې خبریالانو ته مالومات ورکول وویل په افغانستان کې پاتې کیږي چې د سړیو، میرمنو او ماشومانو په استازیتوب مرستې ورسوي.

یوناما همدارنګه د مرستندویه ادارو او هیوادونو څخه غوښتي چې د دې ماموریت سره خپلې مرستې جارې وساتي

خو په عین حال کې په کابل کې یوناما په یوې اعلامیې کې د ملګرو ملتونو په دفترونو کې د طالبانو لخوا د میرمنو په کار کولو بندیز غندلی او ویلي یې دي چې د هغوي دا کړنه زمونږ کار په جدي توګه کمزوری کوی چې اړمنو خلکو ته د رسیده ګۍ وړتیا پکې شامله ده.”

نور ولولئ: د یوناما مشره: طالبان د نړیوالو اندېښنې بابېزه ګڼي او افغانانو ته زیان اړوي

د یوناما په اعلامیې کې ویل شوي چې په افغانستان کې د خپل فعالیت په هکله یې د ګڼ شمیر افغان شریکانو، مدني ټولنو، میرمنو، غړیو هیوادونو او بسپنه ورکوونکو سره پراخې سلا مشورې کړي او دې نتیجې ته رسیدلي چې د ستونزو سره سره خپل فعالیت نشي بندولی.

په اعلامیې کې راغلي:” په هرې کچې چې امکان ولري د طالبانو اوسنیو چارواکو سره متمرکز، اصولي او رغنده تعامل جاري ساتو تر څو هغوي دا بندیز لیرې کړي او د ملګرو ملتونو او ټول پرسونل د خوندیتوب ډاډ ورکړي.”

د تیرې میاشتې بندیز څخه وروسته یوناما په افغانستان کې د خپلو ټولو نارینه او ښځینه مامورینو څخه غوښتي چې د خپلو کورونو څخه دې کار وکړي

په همدې حال کې د افغانستان لپاره د ملګرو ملتونو د بشري حقونو د څار ادارې ځانګړي راپور ورکوونکي رچارډ بنیت او د هغې کاري ډلې مشرې ډوروتي استرادا- ټرانک چې د میرمنو او نجونو پر ضد تبعیض باندې کار کوي او اته ورځې یې په افغانستان کې تیرې کړي په افغانستان کې د بشري وضعیت په خرابیدو اندیښنه ښودلې.

نور ولولئ: د اسلامي امارت له جګپوړو چارواکو سره د یوناما د نوې رییسې لیده کاته شوي

دوي په یوې ګډې اعلامیې کې ویلي:” د جنس له مخې داسې سخت او بنسټیز شوی توپیري چلند مو ولید چې د نړۍ په هیڅ ځای کې ساری نلري او دا په ژوره توګه د افغانستان راتلونکې زیانمنوي.”