اسیا کرکټ شورا ته د اسیا جام ترسره کول سرخوږی شو

ځړول شوی:مې 17, 2022 لخوا ځړول شوی:مسعود تبصرې:0

د متحده عربي اماراتو ګرمه هوا د اسیا جام سیالیو لپاره خنډ ګرځېدلی او په ټاکل شوې وخت د دغه سیالیو .ترسره کول به د اسیا د کرکټ شورا لپاره سرخوږی وي

ټاکل شوې د اسیا جام سیالۍ د روان کال د اګسټ له ۲۷مې د سپټمبر تر ۱۱مې ترسره شي، د دې سیالیو کوربتوب څو کاله وړاندې سریلانکا ته سپارل شوی و، خو د کورونا او د بوخت مهالویش له امله دغه سیالۍ ترسره نشوې.

ټاکل شوې وه دغه سيالۍ له دوه کلن ځنډ وروسته سږ کال ترسره شي، خو په سريلانکا کې د اقتصادي کړکېچ او په دې وروستيو کې د تاوتريخوالي له امله د دغو سياليو د ترسره کېدو امکان له منځه تللى دى.

نور یی ولوله | د نولس کلنو لوبډلې له هغه څلور تنو څخه دوه بېرته هېواد ته راستانه شوي، چې انګلستان کې یې پناه اخیستې وه

خو د سريلانکا د کرکټ بورډ چارواکي بياهم غواړي چې دغه سيالۍ په خپل هېواد کې ترسره کړي، ځکه چې د دغو سياليو په لېږد ښايي تر لس ميليونه ډالرو پورې تاواني شي.

خو د اسیا کرکټ شورا د سریلانکا حالاتو اندیښمن کړي، په دې اړه د هند کرکټ بورډ سرچینو ویلي چې جې شاه د سریلانکا کرکټ بورډ مشر شامي سلوا او اجراییوي رییس ایشلي ډی سلوا سره په تلیفون خبرې کړې، چې په کې د دغه هیواد په وضعیت هم خبرې شوي.

تمه ده چې د سریلانکا د کرکټ چارواکي به د آی پي ایل د پایلوبې په درشل کې هند ته ولاړ شي او هلته به له جې شاه سره هم وویني، که چېرته سریلانکا د ټورنمنټ لپاره تیاره نه وي، نو په متحده عربي اماراتو کې یې ترسره کول د ګرمې هوا له امله ستونزمن دي.

ځواب دلته پرېږدئ

ستاسو برېښناليک به نه خپريږي.

زموږ په خبر پاڼه کې ګډون وکړئ
وروستي مقالې، دندې، وړیا، تفریحي خبرونه په مستقیم ډول ستاسو ان باکس ته وړاندې کړئ.
170000 پیرودونکي دلته دي.