حضرت الله ځاځی نوی لوبډلمشر اعلان شو

ځړول شوی:جون 21, 2022 لخوا ځړول شوی:مسعود تبصرې:0

حضرت الله ځاځی به د لوبډلې مشري هم کوي

د شپږیزې کرکټ لیګ کې به سږکال چټک توپوهونکی حضرت الله ځاځی د یوې لوبډلې لوبډلمشري هم په غاړه ولري، چې دا به د هغه لپاره نوی مسوولیت وي.

د شپږ هیوادونو کرکټ لیګ لپاره د هندوکش لوبډلې کپتان

د شپږیزې کرکټ لیګ لپاره د هندوکش ستوري لوبډلې له خوا حضرت الله ځاځی د لوبډلمشر او ترڅنګ يې عبدالله عادل د مرستیال لوبډلمشر په توګه اعلان شول.

د دغه لوبډلې په فېسبوکپاڼه کې لیکل شوي: د هندوکش ستوري لوبډله بلاخره د خپلو مینوالو انتظار پای ته رسوي او په راتلونکي اتم پړاو شپږیزه کرکټ لیګ کې خپل لوبډلمشر او مرستیال لوبډلمشر اعلانوي.

نور یی ولوله | د هلمند د تړون له مخې د ایران حق‌ابې په اړه د کابل–تهران هوکړه

نور یی ولوله | مولوي عبدالکبیر: امارت د نړۍ له هېوادونو سره نېکې اړیکې غواړي

دوی همدا راز مخکې لیکي: د پرېکړې په اساس د ملي لوبډلې د پیل بریدګر او په افغان توپ وهونکو کې په شپږو توپونو د پرلپسې شپږ شپږیزو ترسره کوونکی حضرت الله ځاځی د هندوکش ستوري د لوبډلې لوبډلمشر او د ملي الف لوبډلې چټک توپ اچونکی عبدالله عادل د مرستیال لوبډلمشر په حیث وټاکل شول.

د یادولو وړ ده، چې حضرت الله ځاځي تر دې مخکې لوبډلمشري نه ده کړې، خو هغه د خپلې چټکې لوبې له امله پېژندل کېږي. نوموړي په نړیوالو شل اوریزو لوبو په یوه لوبه کې دویمې زیاتې منډې هم ترلاسه کړي دي او افغانستان غوره لیګ کې يې په عبدالله مزاري په یو اور کې ۶ شپږیزې هم وهلي دي.

ځواب دلته پرېږدئ

ستاسو برېښناليک به نه خپريږي.

زموږ په خبر پاڼه کې ګډون وکړئ
وروستي مقالې، دندې، وړیا، تفریحي خبرونه په مستقیم ډول ستاسو ان باکس ته وړاندې کړئ.
170000 پیرودونکي دلته دي.