حوثیان وايي چې امریکا او بریتانیا په دریو ولایتونو کې ۲۲ هدفونه په نښه کړي دي
اخوا امریکا او بریتانیا وايي چې دغه بریدونه یې د خپلو هغو کښتیو په دفاع کې کړي چې حوثیانو به په سره سمندر کې ورباندې حملې کولې.
په یمن کې میشتې حوثي ډلې د یکشنبې په ورځ ویلي، چې متحده ایالاتو او بریټانیا د پلازمینې صنعا په ګډون د یمن په دریو والیتونو ۲۲ هوایی بریدونه ترسره کړي دي.
پر کومو هدفونو بریدونه شوي دي؟
د حوثي ډلې پورې تړلي صبا خبري اژانس راپور ورکړی، چې د امریکا او بریټانیې د پلازمینې صنعا په اړوندو سیمو کې ۱۷ هوايي بریدونه کړي دي.
په همدې حال کې د امريکا او بریټانيا هوايي ځواکونو د حيفان ولسوالۍ په قرده سيمه کې پر مخابراتي شبکو دوه هوايي بريدونه کړي او د تعز ولايت د مقبنه ولسوالۍ په شامير سيمه کې يې هم مخابراتي شبکې په نښه کړي دي.
نور ولولئ: حوثیانو پر امریکايي او برتانوي بېړیو د بریدونو ګواښ کړی
نور ولولئ: امریکايي او برتانوي ځواکونو پر حوثيانو بریدونه کړي
نور ولولئ: حوثیان په سره سمندر کې د لا زیاتو حملو لپاره د ایراني وسلو د تر لاسه کولو هڅه کوي
د جمهور خبري آژانس د خبر له مخې د حجه ولایت د ابس ولسوالۍ په الحر فارمونو هم دوه بریدونه شوي دي.
تر دې مخکې د حوثي یاغیانو اړوند المسیره ټلویزیون ویلي وو، چې امریکا او بریټانیا د شنبې په ورځ د یمن په پلازمېنه صنعا کې هوايي بریدونه کړي دي.
پر غزه د اسراییلو له یرغل وروسته د حوثیانو بریدونه
خوثیانو هغه وخت په سره سمندر کې اسراییلو ته روانې بېړۍ په نښه کړې چې اسراییلي پوځ په غزه کې د ملکي وګړو وژنې چې زیات یې په کې ښځې، ماشومان او په روغتونونو کې ناروغان وو، ووژل.
المسیره همداشان د حوثي ډلې د یوې پوځي سرچینې په حواله ویلي، چې د امریکا او بریټانیا تازه هوايي بریدونه، به د یمن له خوا د غزې په تړانګه کې د فلسطیني ولس د ملاتړ مخنیوی ونکړي.
د یمن حوثي ډلې د غزې له تړانګې سره د پیوستون په موخه، چې په اووم د اکټوبر پر اسراییل د حماس له برید وروسته د اسرايیل تر سختو هوايي او ځمکنیو بریدونو لاندې راغلې، په سور سمندرګي او د عدن په خلیج کې هغه باروړونکې بیړۍ په نښه کوي چې له اسراییل یا د هغوی له ملاتړو هیوادونو سره تړاو لري.
د یادونې وړ ده چې ملګري ملتونه، امریکا، مصر، متحده عربي امارات او نور اړخونه هڅه کوي تر څو د حماس او اسراییلو تر منځ اوربند ټینګ کړي، خو تر اوسه نه دي توانېدلي.
