د افغانستان مشهور سندرغاړی سلام لوګری مړ شوی

ځړول شوی:جنوري 25, 2022 لخوا ځړول شوی:مسعود تبصرې:0

د افغانستان مشهور سندرغاړی سلام لوګری چې په پښتو او دري ژبه يې سيمه ييزې سندرې ويلي د ۸۶ کلونو په عمر مړ شوی دی. د نوموړي خپلوانو رسنيو ته ويلي چې ښاغلی لوګری له اوږدې مودې ناروغ و، چې پرون ومړ او د لوګر محمداغه ولسوالۍ کې خاور ته وسپارل شو.

یو خبري اژانس د نوموړي د زوم له خولې وايي چې هغه له تېرو اتو کلونو راهيسې ناروغ و او په دې وروستيو کې يې نه يوازې د سترګو ليد له لاسه ورکړی و، بلکې له پښو هم لوېدلی و. ښاغلي لوګري څه د پاسه څلوېښت کاله سندرې ویلي وې او د افغانستان د ملي راډيو تلويزيون د هنر په څانګه کې يې کار کړی و.

نور یی ولوله | محمد شهزاد ښه توپوهنه وکړه، خو لوبه د نوین الحق لوبډلې وګټله

د افغانستان راديو جوړېدو وروسته يې د لوګر موسيقۍ ځانګړي سبک کې ګڼې سندرې ثبت کړې وې. په ۲۰۰۳ کال کې د افغانستان اطلاعاتو او کتلور وزارت سلام لوګري ته د استادۍ لقب ورکړ.

د افغانستان د ملي موسيقۍ د انستيتويت مشر احمد ناصر سرمست د نوموړي مړينه د افغانستان موسقيۍ په ځانګړې توګه د لوګرۍ سبک ته ستر زيان بللی او وايي د دغې سيمې موسيقۍ ته یې ډېر خدمت کړی دی. سلام لوګري د محلي او لوګرۍ موسيقۍ په دودولو کې پراخه ونډه لرله.

ځواب دلته پرېږدئ

ستاسو برېښناليک به نه خپريږي.

زموږ په خبر پاڼه کې ګډون وکړئ
وروستي مقالې، دندې، وړیا، تفریحي خبرونه په مستقیم ډول ستاسو ان باکس ته وړاندې کړئ.
170000 پیرودونکي دلته دي.