د پښتو نامتوسندرغاړې ماه‌جبین قزلباش مړه شوه

ځړول شوی:فبروري 27, 2020 لخوا ځړول شوی:afghannow تبصرې:0

وتلې سندرغاړې ماه‌جبین قزلباش پرون د فبرورۍ په ۲۶مه، له نړۍ سترګې پټې کړې

قزلباش پرون د پېښور په لېډي ريډنګ روغتون کې مړه شوې ده. د راپورونو پر اساس، هغې د زړه ناروغي درلو د. پر هغې د زړه حمله راغلې وه او په لېډۍ رېدنګ کې بستر وه ماه‌جبین قزلباش کلونه کلونه سندرې وبللې او په افغانستان کې هم ډېره پېژندل شوې ده

په خېبر پښتونخوا کې د پاکستان راډيو مشر لایق‌زاده لایق پرون ماخوستن له ازادي راډیو سره په مرکه کې وویل چې هغه د پلار له‌خوا د ایران د مشهد او د مور له‌خوا پېښورۍ وه.

لایق‌زاده لایق وویل چې ماه‌جبین قزلباش په ۱۹۷۱ میلادي کال کې په پېښور راډيو کې له سندرو ویلو خپل هنري سفر پیل کړ.

د ماه‌جبین قزلباش درې زامن او یو لور پاتې دي.

لایق‌زاده لایق ازادي راډیو ته وویل چې ماه‌جبین قزلباش د ژوند په وروستیو وختونو کې له ډېر کمزوري اقتصاده کړېده او حتی د ژوند په وروستیو ورځو کې یې د ځان د درملنې وس هم نه‌درلود.

د هغې د مړینې پر خبر پر ټولنیزو رسنیو ډېرو خلکو تبصرې کړې دي.

د پاکستان د پارلمان پخواني غړي او سیاستوال، افراسیاب خټک پر ټویټر لیکلي چې د قزلباش خدمت به تل د خلکو په یاد پاتې وي او مرګ‌یې د پښتنو د موسیقۍ لپاره لوی زیان بولي.

ځواب دلته پرېږدئ

ستاسو برېښناليک به نه خپريږي.

زموږ په خبر پاڼه کې ګډون وکړئ
وروستي مقالې، دندې، وړیا، تفریحي خبرونه په مستقیم ډول ستاسو ان باکس ته وړاندې کړئ.
170000 پیرودونکي دلته دي.