د کابل هوايي ډګر مدیریت عربي اماراتو ته وسپارل شو. بهرني ډیپلوماتان د کابل د هوايي ډګر د مدیریت په اړه د متحده عربي اماراتو د چارواکو او طالبانو ترمنځ د خبرو اترو خبر ورکړی وو.د رویټرز په وینا، څلورو باخبرو سرچینو ویلي چې متحده عربي اماراتو له طالبانو سره د کابل د هوايي ډګر د مدیریت په اړه مشوره کړې وه.
دافغانستان د څلورو هوايي ډګرونو د تنظیم او کنټرول د قرارداد» د لاس لیک مراسمو کې د طالبانو د رئیس الوزرا د مرستیال ملا عبدالغني برادر په ګډون لوړپوړو طالب چارواکو ګډون کړی و.دغه قرارداد نن سې شنبه په کابل کې لاسلیک شو. د طالبانو د رئیس الوزرا مرستیال ملا عبدالغني برادر په دغه مراسمو کې وویل چې د طالبانو حکومت له ټولو هیوادونو سره د ښو اړیکو غوښتونکی دی.
نور یی ولوله | نمیبیا له زمبابوې سره لوبلړۍ برابره کړه
.ښاغلي برادر د یاد هوايي ډګرونو د مدیریت د قرارداد لاسلیک مهم وباله او ویې ویل چې دغه توافقنامه نړیوالو هوايي شرکتونو ته اجازه ورکوي چې افغانستان په خوندي توګه خپل پروازونه پيل کړي. هغه همدارنګه وویل چې د طالبانو حکومت د هیواد د اقتصادي ودې په برخه کې پوره هڅه کوي او همدارنګه د هغو بهرنیو شرکتو د امنیت نیولو په خبره کې چې غواړي په دغه هیواد پانګونه وکړي جدي هڅې کوي.
ویل کیږي چې دوبۍ ته د ملا برادر د سفر پر مهال د کابل د هوايي ډګر د مدیریت په اړه هوکړه شوې وه.طالبان ظاهراً له قطر او ترکیې سره د کابل د هوايي ډګر د کنټرول او مدیریت په اړه هوکړې ته نه دي رسېدلي. په فارس خلیج کې میشتو بهرنیو دیپلوماتانو هم ویلي چې د متحده عربي اماراتو چارواکو په وروستیو اوونیو کې له طالبانو سره د کابل د هوايي ډګر د مدیریت په اړه خبرې ور کړې وو
له بلې خوا، دوو سرچینو تایید کړې چې طالبان له متحده عربي اماراتو مالي مرستې غواړي، خو دا یې نه ده څرګنده کړې چې ایا دا خبرې د هوايي حریم له خبرو سره تړاو لري.عربی اماراتو په دې وروستیو کې د افغانستان نوي رزیم سره ډېر کومکونه کړي دي.دعربي اماراتو د هوايي ميدانونو یو شرکت ګاک د جمهوریت ړنګېدو وروسته د کابل هوايي ميدان بیا رغونې کې هم مرستې کړي دي دوي افغانستان سره د نورو امورو تر څنګ په ټنونو سامانونه مرستې هم کړي دي.
باید یاده کړو چې د دې نه وړاندې هم افغانستان سره عرب اماراتو کومک کړي لکه د پاکستان په چمن سیمه کې د مهاجرو د یوه کمپ په جوړول ېې یو مثال دی.چې له 10،000 څخه ډیر کډوال پکې میشت وو او دې ته یې ټول اړین توکي او عصري روغتون چمتو کړل. د 200 کورنیو لپاره د شیخ زاید هستوګنې پروژه چې اړین اسانتیاوې لري لکه جومات ، دوه ښوونځي او یو طبي مرکز وو او داسې نور. .
