د کرونا له وجې۷۰ زره سینماګانې بندې شوي دي

د کورونا ويروس چې ټوله نړۍ ترې متاثره شوې ده او له ډېرو خلکو يې ژوند هم اخيستى دى، د همدې ويروس له امله تراوسه پورې ٧٠ زره سينماګانې هم بندې شوې دي. د ٢٠١٩ کال په پاى کې د کورونا ويروس د چين له ووهان ښار څخه خپور شو او په ټوله نړۍ کې يې تر ١٠٠ زره زيات کسان پرې ککړ شوي دي.

د بزنس انسايډر د راپور په وېنا، د کورونا ويروس د مخنيوي لپاره په چين کې د فلمونو نندارې ته وړاندې کول هم ځنډېدلي دي او همدا راز په دې څه وخت کې ٧٠ زره سينماګانې هم تړل شوې دي. د سينماګانو د بندولو له امله د نوي کال په لومړنيو دوه مياشتو کې د چين فلم انډسټري له ٢ ميليارده امريکايي ډالرو تاوان کړى دى.

ځکه تېر کال په همدې مياشتو کې د چين فلم انډسټرۍ تر ٢ ميليارده زيات ډالر ګټلي و، خو سږ کال دا شمېره يوازې ٣٠٠ ميليونه ده. همدا راز په چين کې د ٧٠ زره سينماګانو د بندېدو له امله د فلمونو نندارې ته وړاندې کېدل هم ځنډېدلي دي، چې په دې برخه کې هم فلم انډسټرۍ څه کم دوه ميليارده امريکايي ډالر تاوان کړى دى.

بل لوري ته د کورونا ويروس له ويرې د انګليسي يا هالي ووډ فلمونو ثبت او نندارې هم له ځنډ سره مخ شوي دي، چې په دې کې د جېمز بانډ مشهور فلم هم شامل دى چې په ايټاليا کې يې ثبت وځنډېده. د فلمونو د ثبت له ځنډېدو سره سم يو شمېر سندرغاړو خپل هغه کنسرټونه هم لغوه کړي دي چې په بېلا بېلو ښارونو کې ورکول کېدل.

د فلمونو د ثبت او د کنسرټونو لغوه کېدو له امله هم د هالي ووډ سينما په ميلياردونو تاوان کړى دى.

همدا راز د لوبو ستر فيسټيوالونه او همدا راز نورې سترې غونډې چې په نړيواله کچه ترسره کېدونکې وې، هم د کورونا ويروس له امله د ځنډ ښکار شوي دي.

د يادولو ده چې د کورونا ويروس له امله د سينماګانو بندول، د فلمونو نندارې ودرول، د فلمونو ثبت ځنډېدل او کنسرټونو لغوه کول ښايي فلمي نړۍ ته شاوخوا ١٠ ميليارده ډالره تاوان ورسوي

ځواب دلته پرېږدئ

ستاسو برېښناليک به نه خپريږي.

afghan now logo
زموږ په خبر پاڼه کې ګډون وکړئ

وروستي مقالې، دندې، وړیا، تفریحي خبرونه په مستقیم ډول ستاسو ان باکس ته وړاندې کړئ.

170000 پیرودونکي دلته دي