روسیه کې ټاکنې؛ د پوتین د کامیابۍ احتمال ډېر دی
![russia election (2)](https://afghannow.net/wp-content/uploads/2024/03/Russia-election-2-780x470.jpg)
روسیه کې د ۲۰۲۴ کال ټاکنې کېږي او رایه اچول هم پیل شوي دي
که چېرته د روسیې په دغه ټاکنو کې بریالی شي، نو تر ۲۰۳۰ پورې به د روسیې ولسمشر وي.
د روسیې د ولسمشرۍ ټاکنو لپاره د رایو اچول پېل شوي دي، یقیني ده چې ولادیمیرپوتین به د یوې بلې شپږ کلنې دورې لپاره واکمن وي.
د رایو اچول به درې ورځې دوام وکړي، خو د نتیجې په اړه شک نشته ځکه ۷۱ کلن پوتین کوم جدي سیال نه لري.
پوتین ته د دولتي رسنیو کمپاین
د ښاغلي پوتین د کاندیدۍ له اعلان وروسته سملاسي د دولتي رسنیو ماشین په کار پېل وکړ او پر ټولو دولتي تلویزیوني کانالونو کې د یو ملي مشر په توګه د هغه ستاینې کېدې چې د هر بل سیال پرتله د هېواد د مشرۍ لپاره ښه وړتیا لري.
![russia election (1)](https://afghannow.net/wp-content/uploads/2024/03/Russia-election-1-300x170.jpg)
د دولتي تلویزیون یو خبریال په خپل راپور کې وویل: “د ولسمشر ملاتړ یواځې په ګوند پورې محدود نه دی، ولادیمیرپوتین د ټولو خلکو نوماند دی”.
نور ولولئ: روسیه: د اوکراین باخموت ښار مو نیولی؛ اوکراین وايي جګړه لا روانه ده
نور ولولئ: پر روسیه د اوکرایین ستر برید شنډ شوی
نور ولولئ: روسیه: د ملېشه ځواک ‘واګنر’ مشر پر بغاوت تورن شو
ولادیمیرپوتین د شوروي دیکتاتور جوزېف ستالین له وخت راهیسې له نورو ټولو روسي واکمنو ډېره موده په واک کې پاتې شوی.
پخوا د روسیې د اساسي قانون له مخې د ولسمشرۍ د کار موده دوه دورو پورې محدوده وه، خو دا قانون بدل شو او اوس دی کولای شي په ۲۰۳۰ کې هم د یوې بلې شپږ کلنې دورې لپاره ځان کاندید کړي.
پوتین ته په روسیه کې کوم سیاسي ګواښ نه شته
ولسمشر پوتین د خپل کار په موده کې په منظمه توګه پر واک باندې خپلې منګولې ټینګې کړې او واکمنۍ لپاره یې کوم واقعي ګواښ نه دی پاتې.
![russia election](https://afghannow.net/wp-content/uploads/2024/03/Russia-election-300x170.jpg)
د هغه ډاګیزه منتقدین مړه دي، زندان کې دي او یا له هېواده بهر په تبعید کې ژوند کوي، خو کریملین کلک هوډ لري چې د روسیې د ټاکنو پروسې ته قانوني بڼه ورکړي.
د ټاکنو نتیجې معلومې دي خو چارواکي خلک هڅوي چې ټاکنو کې دې ګډون وکړي، چې دا به د ولسمشر د ولسي صلاحیت لپاره د شواهدو په توګه وړاندې کيږي.
په ټاکنو کې به د روسیې مشر سره د کمونست ګوند نوماند نیکولای خاریتونوف سیالي کوي. کمونست ګوند د روسیې دویم ګوند دی چې ډېر پلویان لري.
د شوروي اتحاد له ړنګېدو ۳۰ کاله وروسته دا ګوند خپل ملاتړ له وړو خو وفادارو خلکو ډلو څخه ترلاسه کوي چې د تېرې شورې دورې پلویان دي.
د روسیې او اوکراین جګړې ته په کتو روسان د روسیې ولسمشرۍ لپاره له ویلادیمیر پوتین بل ښه انتخاب نه لري.