د یو ورځنیو سیالیو لوبلړۍ کې سریلانکا په دویمه لوبه کې هم نیوزیلېنډ ته ماتې ورکړه
د سریلانکا کرېکټ ملي لوبډلې د درېیو یو ورځنیو سیالیو لوبلړۍ په دویمه لوبه کې هم نیوزیلېنډ ته د درې وېکټو په توپیر ماتې ورکړه او د دې لوبو اتلولۍ ته ورسېده.
دا لوبه یکشنبه د نوامبر پر ۱۷مه د سریلانکا په کوربهتوب په «پېلکېل» کرېکټ لوبغالي کې وشوه.
د سریلانکا ټاکلی هدف
د لوبې ټاس کوربه سریلانکا وګاټه او لومړی یې توپاچونه وکړه چې نیوزیلېنډ د مارک چمپن ۷۶، ميچل ۴۹ او وېل یانګ ۲۶ منډو پر مټ یې ۲۱۰ منډې هدف وټاکه او خپل ټول لوبغاړي له لاسه ورکړل.
په توپاچونه کې د سریلانکایۍ لوبډلې په ګټه مهیش او جېفري درې-درې، اسیتا دوه، دونېت او چرېت یوه-یوه وېکټه واخیسته.
د لوبې دویمې پاڼۍ په وروستیو کې باران پیل شو او د «دياېلاېس» مېتود له مخې لوبه ۴۷ اورونو ته ټيته شوه چې سریلانکا په ۴۷ اور کې هدف ته ځان ورساوه او لوبه یې وګټله.
نور ولولئ: کرېکټ؛ افغان ملي لوبډلې له بنګله دیش سریز په خپل نوم کړ
نور ولولئ: افغان ملي اتلان او بنګله دیش نن برخلیک ټاکونکي لوبه کوي
نور ولولئ: سريلانکا سره لوبلړۍ ته افغان کرکټ بورډ لوبډله اعلان کړه
د ټاکل شوي هدف په ځواب کې کوربنو د ۷ لوبغاړو په زیان سره د کوزل منډېس ۷۴، پتوم ۲۸، مهیش ۲۷ او کانېت ۲۲ منډو پر مټ ۲۱۰ منډې وکړې او لوبلړۍ اتلولي یې په خپل نوم ثبت کړه.
د لوبې غوره لوبغاړی
منډېس په ۱۰۲ توپونو ۷۴ ناسوځېدلې منډې وکړې او د لوبې غوره لوبغاړي جایزه یې واخیسته.
بلخوا، په توپاچونه کې د نیوزیلېنډۍ لوبډلې لپاره بیا میچېل برېسوېل څلور، میچېل سنتېر، ګلېن فلېپس او دنن سمېت یوه-یوه وېکټه واخیسته، خو بایلونکې شوه.
دا په 2024 کې د سریلانکا پنځمه یو ورځنۍ لړۍ وه چې په کور کې یې زمبابوې، افغانستان، هند او ویسټ انډیز ته ماتې ورکړه. سریلانکا په هند کې د تیر کال د پنځوس اوریزو نړیوال جام په نهم مقام کې له پاتې کیدو وروسته د راتلونکي کال چمپینز ټرافي ته کوالیفائی نشو کولی ، مګر له هغه وروسته یې په بنګله دیش کې یوازې یوه د یو ورځنیو لوبو لړۍ له لاسه ورکړه پداسې حال کې چې پنځه یې په کور کې ګټلي.
د سریلانکا کپتان چاریت اسانانکا وویل: “دا واقعیا د توپ وهونکو لپاره سخته ده چې دلته منډې وکړي.” “دا یوازې یوه بله لړۍ ده. د یوې ډلې په توګه، موږ د یو لوی هدف په لور روان یو او موږ باید هغه ترلاسه کړو، دا یوه پروسه ده.
د یادونې ده چې د دواړو لوبډلو ترمنځ وروستۍ لوبه سهشنبه د روانې نومبر میاشت پر ۱۹مه کېږي.
