نړیوال خبرونه

په افغانستان کې د خبریالانو ملي ورځ او طالبان

د خبریالانو ملي ورځ په افغانستان کې د کب میاشتې ۲۷مه نیټه ده چې د رسمي ورځې په توګه د تیر جمهوري حکومتي کابينې په ۱۳۹۷ کال کې تائيد کړې ده تر څو د ملي ورځې په عنوان په تاريخ کې ثبت شي

په ١٣٩٢ لمریز کال کې د خبریالانو مرکز په افغانستان کې د خبریالۍ مسلک اهمیت، خلکو ته د خبر رسونې په برخه کې د خبریالانو نه ستړې کیدونکو هلو ځلو او د رسنیز ډګر قربانیانو ته په کتو په يوه نوښتیزې طرحې د خبر رسونې له متخصصانو سره په مشورې د حوت ٢٧مه د خبریال د ورځې په نوم ونوموله او له هغه وخته يې هر کال په بېلابېلو مراسمو کې لمانځي او په دې مناسبت د رقابتي سیالۍ له لارې د افغانستان د کال خبریال هم انتخابوي او ستايي یې.

ددغې ورځې د رسمي کېدو طرحه په ۱۳۹۶ لمريز کال کې د خبري بنسټونو د فدراسیون په ناسته کې مطرح شوه چې له بحث او بررسۍ وروسته تائيد او د ملي ورځې د ثبت په مناسبت د قانوني مراحلو د طی کولو په خاطر اطلاعاتو او کلتور وزارت ته ولېږل شوه.

نور ولولئ: طالبان: خبریالان د “ملي امنیت ساتلو په موخه” نيول شوي وو

د یادونې وړ ده چې د حوت ٢٧مه د لمریز کال د پای ته رسیدو سره په سمون، د رسنیو داخلي سازمان کلنۍ بررسي، د رسنیو او خبریالانو د کاري وضعیت په اړه د کلني راپور سره د سمون په خاطر دغه ورځ د خبریال د ورځې په نوم ونوموله.

د دغې ورځې د لمانځنې په موخه هر کال د کال لس غوره جايزې هم مستحقو کسانو ته ورکول کېدلې خو د طالبانو حکومت له راتګ سره سم دغه ورځ نه ده لمانځل شوې.

په ورته مهال سږ کال د دغه ورځې په مناسبت د آزادو رسنيو د ملاتړ ادارې يا نۍ خبريالانو ته مبارکي ويلې ده

له ازادو رسنیو څخه د ملاتړ ادارې یا نۍ د دې ورځې په پار زياته کړې چې اوس مهال خبریالان له ګڼو ستونزو سره مخ دي.

په خبرپاڼه کې راغلي چې د ۲۰۲۳ میلادي کال له پیل څخه تر اوسه د خبریالانو پر وړاندې د تاوتریخوالي ۳۰ پېښې ثبت شوې دي.

د نۍ د معلوماتو له مخې، د خبریالانو پر وړاندې د تاوتریخوالي په وروستۍ پېښه کې یوازې په بلخ کې د چاودنې له کبله دوه خبریالان ووژل شول او ۱۶ نور ټپیان شول.

نور ولولئ: بخښنې سازمان طالبانو ته: خبريالان خوشې کړئ، خبریال مه نېسئ

نور ولولې: طالبانو کندهار کې څو سیمه ایزې رسنۍ تړلې او یو شمېر کارکوونکي یې نیولي

یادې ادارې ویلي چې سږکال د خبریالانو لپاره له ستونزو ډک کال دی او له مسوولو چارواکو یې غوښتي چې له رسنیو او خبریالانو څخه ملاتړ وکړي.

نۍ دا څرګندونې په داسې حال کې کوي چې څو ورځې وړاندې د اطلاعاتو او فرهنګ وزارت د نشراتو مرستیال مهاجر فراهي ویلي وو چې هيڅوک د رسنیو په کارونو کې د لاسوهنې حق نه لري او یوازې اطلاعاتو او فرهنګ وزارت د دوی پر فعالیتونو د څار اجازه لري.

Zoar

زواریو ځوان لیکوال دی چې له نړۍ سره د خپل کار د شریکولو شوق لري. هغه د نوي لیکلو سټایلونو سره قوي علاقه لري او تل هڅه کوي د لا ډیر تخلیقي کیدو لارې ومومي.

اړوند خبرونه

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Back to top button