کېله په نهاره او له ویده کېدو دمخه مه خورئ

ځړول شوی:فبروري 25, 2022 لخوا ځړول شوی:مسعود تبصرې:0

کېله یو له هغه مېوو څخه ده، چې د روغتیا لپاره ډېره ګټوره تمامېږي. د دې مېوې په جوړښت کې په ډېره زیاته اندازه پوتاشیم شتون لري، چې د وینې د فشار د سطحې په برابرولو کې ډېر اړین توکی تمامېږي. خو په نهاره او له وېده کېدو دمخه د کېلې خوړل زیانمن تمامېږي.

روغتیایي کارپوهان وایي، که څه هم د کېلې خوراک په هر وخت کې ګټور تمامېدلی شي، خو په نهاره او د شپې د وېده کېدو دمخه یې له خوړلو څخه ډډه وکړئ.

نور یی ولوله | ازبکستان د افغانستان، ایران او هند له چابهار هوکړې سره ‘یو ځای شو

لکه څنګه چې د کېلې په هضم کې ډېر وخت ته اړتیا لېدل کېږي، نو د شپې پرمهال یا یې له وېده کېدو دمخه له خوړلو ډډه وکړئ. ځکه چې د کېلو د خوراک په پایله کې مو خوب اغېزمن کېږي، چې بیا مو په سبا طبیعت خرابوي او د سستۍ یا د لټۍ ښکار ګرځئ.

روغتیایي کارپوهان دا هم وایي، که چېرته له وېده کېدو دوه یا درې ساعته دمخه کېله وخوړل شي، نو د کېلې په جوړښت کې موجود میګنیزیم د ښه خوب په راوستلو یا برابرولو کې مرستندویه تمامېږي.

په نهاره خېټه د کېلې له خوړلو څخه ډډه وکړئ. ځکه چې د کېلې په خوراک سره د بدن د میګنیزیم کچه لوړېږي. چې بیا له وینې سره ګډېږي او د زړه لپاره بېخي زیانمن تمامېږي.

که چېرته له کېلو سره نور غذایي توکي یا خواړه وخوړل شي، روغتیایي کارپوهان یې زیانمن نه بولي. په ورځني ډول د کېلو خوړل د زړه د ناروغیو په مخنیوي او د وینې د فشار په برابر ساتلو کې مرسته کوي.

ځواب دلته پرېږدئ

ستاسو برېښناليک به نه خپريږي.

زموږ په خبر پاڼه کې ګډون وکړئ
وروستي مقالې، دندې، وړیا، تفریحي خبرونه په مستقیم ډول ستاسو ان باکس ته وړاندې کړئ.
170000 پیرودونکي دلته دي.