افغانستان ته۲۵۰۰ کډوال راستانه شوي دي
![afghan 2024 07 08t162943.995](https://afghannow.net/wp-content/uploads/2024/07/Afghan-2024-07-08T162943.995-780x470.jpg)
د طالبانو تر کنټرول لاندې کډوالو چارو وزارت د ۲۵۰۰ کډوالو د بېرته راستنېدو خبر ورکړی دی
د طالبانو د کډوالو او راستنېدونکو چارو وزارت وايي، دغه کډوال تېره ورځ له دوو ګاونډیو هېوادونو د اسلام کلا، ورېښمو پله، سپین بولدک او تورخم له لارې راستانه کړل شول.
په دغو کډوالو کې ۳۳ تنه هغه کسان شامل دي چې د پاکستان په زندانونو کې بندیان وو.
د طالبانو د کډوالو او راستنېدونکو چارو وزارت د دوشنبې په ورځ د (غبرګولي ۱۸مه) په خپله اېکس پاڼه لیکلي، چې تېره ورځ د ننګرهار ولایت د تورخم له لارې ۳۹ کورنۍ چې د غړو شمېر یې ۱۸۹ تنو ته رسیږي او ۴۸ کورنۍ چې د غړو شمیر یې ۲۶۱ تنو ته رسیږي د سپین بولدک له لارې د پاکستان حکومت له لوري په زور راستانه کړل شول.
دغه کډوال له پاکستان او ایران راستانه شوي
همدارنګه د دغه وزارت له لوري په خپره شوې خبرپاڼه کې ویل شوي، چې۷۶۷ تنه افغان کډوال د هرات ولایت د اسلام کلا او ۱۳۹۹ تنه د نیمروز ولایت د ورېښمو پله له لارې د ایران حکومت له لوري په زور او خپله خوښه راستانه کړل شول.
نور ولولئ: اروپايي ټولنه وايي افغانستان په نړۍ کې د اقلیم تر سختو اغیزو لاندې هېوادونو په لېست څلورم هیواد دی
نور ولولئ: الجزیره خبري شبکه: اسلام اباد به له پاکستانه د افغان کډوالو د ویستلو دویم پړاو پیل کړي
نور ولولئ: جرمني، درېیم هېواد ته د کډوالو د استولو موضوع څېړي
طالبانو وايي، له ګاونډیو هېوادونو راستانه کړل شوي اړمن کډوال یې د مرستو ترلاسه کولو په موخه د ملګرو ملتونو د کډوالۍ سازمان دفتر، د ملګرو ملتونو د کډوالۍ عالي کمېشنرۍ او د خوړو نړیوال پروګرام دفترونه ته ورپيژندلي دي.
![afghan 2024 07 08t162959.648](https://afghannow.net/wp-content/uploads/2024/07/Afghan-2024-07-08T162959.648-300x170.jpg)
هغه کډوال هم ایستل شوي چې د ملګرو ملتونو د کډوالۍ سازمان ځانګړي کارتونه ورسره دي.
په ایران او پاکستان کې کډوال
که څه هم په ایران او پاکستان کې زیات شمېر کډوال ژوند کوي، خو اکثره یې هلته ښه ژوند نه لري بلکې له بېلابېلو کړاوونو سره مخامخ دي.
دا په داسې حال کې ده چې د ملګرو ملتونو د کډوالو عالي کمېشنرۍ مشر په پاکستان د خپل درې ورځنې سفر په لومړۍ ورځ په پیښور کې له افغان کډوالو سره کتلي، او ژمنه یې چې د کډوالو د ټولو ستونزو په اړه به د پاکستان له حکومت سره خبرې وکړي.
د ملګرو ملتونو د کډوالو د ادارې د شمېرو له مخې دا مهال په پاکستان کې شاوخوا دوه میلیونه افغان کډوال ژوند کوي چې له ډلې یې ۱،۳ میلیونه یې د ملګرو ملتونو د کډوالۍ د ثبت کارتونه لري.
پر دې سربېره، افغان کډوال د طالبانو له رژیم غواړي چې ددوی په اړه له ګاونډیو هېوادونو سره خبرې وکړي تر څو یې ستونزې راکمې شي.