اړوند خبرونه:
ډاکټر عبدالله عبدالله: پر ایران د اسرائیلو بریدونه نامشروع دي
د ایران د پارلمان رئیس: پر اسراییل برید ‘غاښ ماتوونکی ځواب’ دی
امریکا د اسرائیل پر وړاندې د ایران ګواښونه جدي بللي
پر ایران د امریکا د احتمالي برید په اړه د «ډونالډ ټرمپ» له ګواښ وروسته د ایران بهرنیو چارو وزیر، عباس عراقچي ویلي چې پر دوی هر ډول برید به بېځوابه نه پرېښودل کېږي.
ایراني رسنیو د عباس عراقچي له قوله لیکلي، چې تهران په خپل تاریخ کې چا ته سر نه دی ټیټ کړی، او که برید پرې وشي، نو برید به وکړي.
عراقچي یو وار بیا د یورانیمو پر غنيکولو ټینګار کړی او په دې برخه کې یې علت د سولهییزو موخو تعقیب بللی دی.
د ایران بهرنیو چارو وزیر دا څرګندونې د ډونالډ ټرمپ د هغه ګواښ په غبرګون کې کړې چې څو ورځې مخکې یې ویلي وو چې ښايي د ایران اټومي تاسیسات بیا په نښه شي.
امریکا او شریکانو یې ټینګار کړی چې تهران باید د یوې هوکړې له مخې د اټومي وسلو د جوړولو هڅې وکړي.
د ویلو ده چې ایراني چارواکو تر دې مخکې هم اسرائیلو ته خبرداری ورکړی و چې که بیاځلي برید وکړي، نو د تهران له سخت غبرګون سره به مخ شي.
