اړوند خبرونه:
ډاکټر عبدالله عبدالله: پر ایران د اسرائیلو بریدونه نامشروع دي
د ایران د پارلمان رئیس: پر اسراییل برید ‘غاښ ماتوونکی ځواب’ دی
امریکا د اسرائیل پر وړاندې د ایران ګواښونه جدي بللي
ایراني رسنیو د سپاه پاسداران د لوړپوړو چارواکو له قوله ویلي، چې پر اسراییل به د غچ اخیستنې بریدونه لا شدید کړي.
دغه ایراني چارواکي خبرداری ورکړی، چې د سیمې د هر هغه هېواد پوځي اډې به په نښه کړي، چې د ایران مقابل کې د اسراییلو دفاع وکړي.
د ایران د سپاه پاسداران په مشرۍ تېره شپه سلګونه توغندي پر اسراییلو وتوغول شول چې د معلوماتو له مخې د اسراییل له دفاعي سیستم تېر شوي او دغلته یې ګڼ اهداف په نښه کړي دي.
که څه هم اسراییل تر اوسه څه نه دي ویلي، خو ایراني چارواکي وايي د تېرې شپې بریدونو کې یې د اسراییل د اټومي څېړنو مرکز په نښه کړی دی.
ایران د تېرې شپې سلګونه توغندي پر دغه هېواد د اسراییل د برید غبرګون کې توغولي چې تر ۲۰ لوړپوړو نظامي چارواکي او ساینسپوهان یې ووژل او اټومي تاسیسات يې په نښه کړل.
بل خوا د ملګرو ملتونو امنیت شورا په بېړنۍ غونډه کې د روسیې استازي واسیلي نبنزیا ویلي، چې د اسراییل اقدمات به سیمه اټومي جګړې ته یوسي.
روسي استازي داسې مهال د امنیت شورا بېړنۍ ناسته کې پر ایران د اسراییل برید د ملګرو ملتونو د منشور سرغړونه بللې، چې پوتین له پزشکیان سره خبرو کې د اسراییل برید غندلی.
