اړوند خبرونه:
ډاکټر عبدالله عبدالله: پر ایران د اسرائیلو بریدونه نامشروع دي
د ایران د پارلمان رئیس: پر اسراییل برید ‘غاښ ماتوونکی ځواب’ دی
امریکا د اسرائیل پر وړاندې د ایران ګواښونه جدي بللي
ایراني رسنیو خبر ورکړی چې د یاد هېواد د عملیاتو په دولسمه څپه کې یې دا ځل پر اسراییلو د «سجیل» په نوم د ۲۰۰۰ کیلو مټره واټن ویشتونکي توغندي کارولي دي.
د راپورونو له مخې چې دا توغندي د سپاه پاسداران له لوري توغول شوي او د اسراییلو د هوايي دفاع سیستم یې له منځه وړی دی.
په ورته وخت کې د سپاه پاسداران په اعلامیه کې ویل شوي د اسراییل د هوایي دفاع سیسټم په له منځه وړلو سره یې او اوس د ایران د توغندیو او بې پیلوټه الوتکو پرمخ د اسراییل اسمان پرانیستی دی.
بلخوا په ټولنیزو پاڼو د دغو توغندیو له عکسونو او ویډیوګانو ښکاري چې تر توغول کېدو وروسته یې په هوا کې بڼه بدله شوې او په خورا لوړ سرعت خپل هدف ته رسېږي.
د ویلو ده چې دا مهال د ایران او اسراییل کړکېچ اوج ته رسېدلی او سیمې ته د دې جګړې د پراخېدو وېره راپيدا شوې ده.
