اقتصاد او سوداګري

د خوړو او درملو اداه: ۴۰۰ قلمه درمل او روغتیايي محصولات تولیدوو

د خوړو او درملو ملي اداره وايي، په هېواد کې ۴۰۰ قلمه درمل او نور روغتیايي محصولات تولیدوي

یاده اداره زیاتوي، دا مهال په ټول هېواد د درملو تولید برخه کې ۹۵کارخونې فعالیت لري چې ۳۹ یې تازه د تېرو نږدې دوو کلونو پر مهال جوړې شوې دي.

ددې ادارې د مسوولانو په وینا، د درملو او روغتیايي محصولاتو برخه کې ځینې کارخونې چې د بېلابېلو لاملونو له امله تړل شوې وې هم بېرته فعالې شوې دي.

د کارخونو د تولید ظرفیت لوړول

د خوړو او درملو ملي ادارې ویاند جاوید هژیر وویل چې د یادو کارخونو د تولید ظرفیت له ۲۵۰ قلمو څخه ۶۵۰ قلمو ته لوړ شوی دی.

نور ولولئ: افغانستان مې د غالیو تجارت زیات شوی

نوموړي وویل: «دا مهال په ټول افغانستان کې د درملو او روغتیايي محصولاتو تولید برخه کې ۹۵کارخونې فعالیت لري چې ظرفیت یې هم لوړ شوی او پخوا یې د تولید ظرفیت کم وو.»

د خوړو او درملوادارې مسوولان داسې مهال د درملو تولیدي کارخونو د شمېر او تولید ظرفیت لوړېدو څخه خبر ورکوي چې د کابل اوسېدونکي د ښار په درملتونونو کې د بې‌کیفیته درملو له شتون شکایت کوي.

له درملو د ناروغانو شکایتونه

د کابل اوسېدونکی ادیب سلام‌وطندار ته وايي چې هر کال په زرګونه افغانۍ درمل اخلي، خو په وینا یې، د دې پر ځای چې ناروغ یې ښه شي، نورې روغتیايي ستونزې یې ورته پیدا کړې دي.

نوموړي زیاته کړه چې درمل کیفیت نه‌لري او اغېز یې هم کمې دي. نوموړي وویل: «زموږ ناروغ د ګردې تکلیف لري، اووه-اته کاله کېږي چې تر درملنې لاندې  دي. درمل بې‌کیفیته دي او اغېز نه‌کوي، ښايي څه باندې ۱۰۰زره افغانۍ مو پرې لګولي وي.»

نور ولولئ: په افغانستان کې د بوټانو د توليد تر ۳۰۰ ډېرو فابريکو خپل فعاليت درولی

د پلازمېنې یوې بلې اوسېدونکې زینب وویل چې مور یې د زړه ناروغي لري او هر ډول درمل یې چې ورته اخیستي، بې‌اغېزې وو. «نهه-لس کاله کېږي چې مور مې د زړه ناروغي لري، دولتي او خصوصي روغتونونو ته مې وړې، درملنه یې بې‌اغېزې وه او ناروغۍ یې زیاتې شوې.»

افغان سالار

افغان سالار افغان سالار د لومړي لاس او کره معلومات تر تاسو درسوي. افغان سالار به تاسو ته د سیاست، ادب او کلتور، اقتصاد، روغتیا، سپورټ او نور په زړه پورې مطالب برابر او تر نورو به یې چټک درته وړاندې کوي.

اړوند خبرونه

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Back to top button