ډبلیو ایف پي یا د خوړو نړیوال پروګرام وايي چې افغانستان کې د ژمي په رارسېدو به له دریو یو تن د لوږې له ګواښ سره مخامخ وي
نړیوال بنسټونه په پرلهپسې توګه خبر ورکوي چې افغانستان کې د بېروګارۍ کچه لوړه او ګڼ خلک د لوږې له ګواښ سره مخامخ دي، خو طالبانو بیا تل دا ډول څرګندونې د افغانستان د منفي انځور د وړاندې کولو او پر دوی د فشار راوړلو په معنی تعبیروي.
خو د خوړو نړیوال پروګرام بار بار دا ندېښنه په ډاګه کړي ده.
د ملګرو ملتونو د خوړو نړیوال پروګرام د دوشنبې په ورځ د (مرغومي څلورمه) پر خپله ایکس پاڼه یو ویډیو خپره کړې او ویلي یې دي چې په افغانستان کې ژمی سخت او نه بښونکی شوی دی.
یاد سازمان نشي کولی چې د لارو د بندښتن له امله مرستې ورسوي
دغه سازمان وايي، په ټول هیواد کې ډیرو اړمونو کسانو ته خواړه رسوي خو د ډیرو سیمو لارې د واورې او سړې هوا له امله بندې شوې دي.
د خوړو نړیوال پروګرام د ژمي په دې ساړه موسم کې د افغان وګړو د لوږې په اړه اندېښنه ښيي او وايي چې په افغانستان کې د میلیونونو خلکو لپاره ژمی خورا سخت شوی دی.
نور ولولئ: ډبلیو ایف پي: یو میلیون افغانانو ته د مرستو رسولو لپاره ۱۶ میلیونه ډالرو ته اړتیا ده
نور ولولئ: ډبلیو ایف پي: څلور میلیونه افغان مېندې او ماشومان پر خوارځواکۍ اخته دي
همدا راز یاد سازمان ویلي چې، د ډیریو وګړو لپاره د ګرم پاتې کېدو او د ماشومانو د نس مړولو لپاره د خوراکي توکو ټولې سرچینې له منځه تللې.
یاد پروګرام وايي، دمګړۍ په افغانستان کې یو پر درې سلنه وګړي هره شپه وږي ویده کیږي.
سخت ژمی او په هېواد کې د بېروزګارۍ کچه
په افغانستان کې له یوې خوا د بېروګارۍ کچه د امکان تر حده رسېدلي ده او بل لور ته د ژمي په رارسېدو هغه خلک چې د ورځې عادي مزدوري کوي، نه شي کولی چې په ژمي کې دوام ورکړي. له همدې امله د خوړو نړیوال پروګرام ویلي د افغانستان وګړي ساړه ژمي سخت ځپلي دي.
د دوی په خبره دغه هیواد په نړۍ کې د اتو هغو هیوادونو په کتار کې راځي چې د خوړو د نا امنۍ په تر ټولو خورا بد حالت کې ځای لري.
دغه پروګرام ویلي، د بودجې له لوی کمښت سره مخ دي او سږکال د بودجې د کمښت له امله ۱۰ میلیونو اړمنو کسانو ته د خوراکي مرستو رسولو کمولو ته اړ شوي.
د یادونې وړ ده چې د طالبانو په بیا واکمنېدو په هېواد کې هر ډول کاري فرصتونه د له منځه تللو په حال کې دي.
