داسې راپورونه ورکړل شوي چې روسیه به د اوکراین په جګړه کې د وسلو له کمښت سره مخامخ شي
لوېديځ چارواکي وايي، روسيه د اوکرايين په جګړه کې د اړتيا وړ وسلو او مهماتو په چمتو کولو کې له ستونزو سره مخامخ ده.
د لوېديځ يوه چارواکي ويلي، روسيه د کافي تجهيزاتو او اکمالاتو په چمتو کولو کې له “سختو ننګونو” سره لاس او ګرېوان ده.
د روسيې د وسلو او مهماتو دا مسئله داسې مهال راپورته کېږي چې اوکرايين ته د لوېديځو هېوادونو له لوري د وسلو د لېږد په اړه اندېښنې مخ په زياتېدو دي.
د وسلو، مهماتو او کسانو اکمالات
لکه څنګه چې د اوکرايين او روسيې چګړه درېيم کال ته ننوځي د وسلو، مهماتو او کسانو اکمالات د جګړې د پايلې په ټاکلو کې يو مهم عنصر بلل کېږي.
يوه لوېديځ چارواکي ادعا کړې چې په روسيه کې جوړې شوې وسلې اوس مهال د اوکرايين په جګړه کې د دوی د اړتیاو د پوره کولو لپاره کافي نه دي. ” هغه زياته کړې چې مسکو يوازې د مهماتو او وسلو د بديلو سرچينو په موندلو سره خپل اکمالات کولی شي چې دا اوږدمهاله حل نه دی.
نور ولولئ: اوکراین ادعا کوي چې درې روسۍ جنګي جیټ راپرځولې
نور ولولئ: روسیه: د اوکراین باخموت ښار مو نیولی؛ اوکراین وايي جګړه لا روانه ده
نور ولولئ: د روسیې او اوکراین جګړه؛ روسیه کې پر یوه هوايي ډګر د ډرون بریدونه
دغه چارواکی بنديزونه د دې کمښت يو لامل بولي.
دی وايي، “بنديزونه د روسيې پوځي صنعت ته سخت زيان رسولی چې د جدي ځنډ او لګښتونو د زياتوالي لامل شوی. ”
روسیه په دې جګړه کې درنه بیه پرې کوي
روسيې په اوکرايين کې د جګړې په ډګر کې يو لړ پرمختګونه هم کړي چې د هغې له ډلې يو د اوډيوکا ښار نيول دي. خو چارواکي په دې اند دي چې روسيه په دې لار کې د مړو او ټپیانو درنه بيه پرې کوي.
يوه لوېديځ چارواکي ويلي، روسيه اړه ده چې د وسلو پوره کولو لپاره بهرنيو سرچينو ته مخه کړي. په دې کې د ايران ډرون او توغندي او له شمالي کوريا څخه مهمات شامل دي. داسې انګېرل کېږي چې ځينې يې د ټيټ کيفيت لرونکي دي.
دغه چارواکي زياته کړې چې روسيې د هغو تجهيزاتو د کارولو امر کړی چې بايد نورو هېوادونو ته ورکړل شي. په دې کې هند هم شامل دی چې له اوږدې مودې راهيسې د روسيې په وسلو تکيه کوي او هوايي ځواک يې يو کال وړاندې ويلي وو چې ژمنه شوې وسلې يې نه دي ترلاسه کړې.
خو د ارزونې له مخې داسې ښکاري چې مسکو به دغې جګړې ته تر هغو دوام ورکړي، څو چې یې د لویدیځ پر وړاندې خپلې ټاکلي موخې ترلاسه کړي نه وي.
