اړوند خبرونه:
ډاکټر عبدالله عبدالله: پر ایران د اسرائیلو بریدونه نامشروع دي
د ایران د پارلمان رئیس: پر اسراییل برید ‘غاښ ماتوونکی ځواب’ دی
امریکا د اسرائیل پر وړاندې د ایران ګواښونه جدي بللي
د طالبانو د بهرنیو چارو وزارت سرپرست امیرخان متقي وایي، د دوی د ریاست الوزرا د پرېکړې له مخې، افغانستان د ایراني حاجیانو لپاره د یوې میاشتې د ویزو معافیت په پام کې نیولی دی.
نوموړی زیاتوي دوی په هرات کې یې سیمه ییزو ادارو ته سپارښتنه کړې، چې ایران ته د دغو حاجیانو د خوندي لیږد اسانتیاوې برابرې کړي.
متقي په کابل کې د ایران له سفیر علي رضا بېکدلي سره په کتنه کې یو ځل بیا پر ایران د اسراییل بریدونه غندلي او هغه یې له نړیواله قوانینو ښکاره سرغړونه بللې ده.
د طالبانو د بهرنیو چارو وزارت خبرپاڼه کاږي چې، په دغه کتنه کې بېکدلي د ایراني حاجیانو د لېږد برخه کې د طالبانو د حکومت له اسانتیاو مننه وکړه او هیله یې څرګنده کړې چې دا بهیر په «بریا» سره ترسره شي.
د ایران پر فضایي حریم د الوتنو نه کېدو له امله ایراني حاجیان لا هم په سعودي عربستان کې پاتې دي.
تر دې وړاندې متقي کابل کې د ناروې له شارژدافیر، پير البرت الساس سره کتنه کې په سیمه ییزو او دوه اړخیزو موضوعاتو خبرې کړې دي.
متقي نوموړي ته ویلي، چې له غربي هېوادونه سره یې ناروې په اړیکو جوړولو کې مهم او رغنده رول لري او هم یې دغه هېواد کې د طالب ډيپلوماټ منل ښه پرمختګ یاد کړی.
پیر البرت الساس یې په ځواب کې ویلي، چې نږدې وخت کې به یې حکومت یو استازی کابل ته واستوي او طالبانو سره به د دغه هېواد اړیکې او تعاملات و ارزوي.
