د د نړۍ تر ټولو لوی هوټل لقب د مالیزیا فرسټ ورلډ هوټل (First World Hotel) سره دی. دا هوټل د مالیزیا د پاهنګ ایالت په جېنټنګ هایلېنډز (Genting Highlands) کې موقعیت لري او د ۷۳۵۱ فعالو خونو په لرلو سره د نړۍ د تر ټولو لوی هوټل په توګه د ګینیس نړیوال ریکارډ لري.
د نړۍ تر ټولو لوی هوټل څنګه دغه ریکارډ خپل کړ؟
فرسټ ورلډ هوټل په ۲۰۰۶ کال کې د ۶۱۱۸ خونو په لرلو سره د نړۍ د تر ټولو لوی هوټل لقب ترلاسه کړ. خو په ۲۰۰۸ کال کې د امریکا د لاس وېګاس «وېنېشن ریزورټ» د خونو د زیاتوالي له امله دا ریکارډ ترې واخیست.
وروسته، په ۲۰۱۵ کال کې د هوټل د دویم برج د پراختیا له بشپړېدو سره د خونو شمېر ۷۳۵۱ ته لوړ شو او د نړۍ تر ټولو لوی هوټل یو ځل بیا د ګینیس نړیوال ریکارډ خپل کړ. دا ریکارډ تر اوسه هم د همدې هوټل په نوم ثبت دی.
د فرسټ ورلډ هوټل ځانګړتیاوې
هوټل د تفریح او سوداګرۍ لوی مرکز ته نږدې جوړ شوی
فرسټ ورلډ هوټل د کوالالمپور ښار شاوخوا ۵۰ کیلومتره شمال ته، د جېنټنګ هایلېنډز په غرنیو سیمو کې د Resorts World Genting د تفریحي کمپلکس برخه ده. د هوټل شاوخوا د تفریح پارکونه، سوداګریز مرکزونه، رستورانتونه او نور سیاحتي ځایونه هم موقعیت لري، چې هر کال میلیونونه کورني او بهرني سیلانیان ورجذبوي.
د معلوماتو له مخې، هوټل درې ستوریزه درجه لري او په درېیو برجونو کې جوړ شوی دی. دغه ودانۍ ۳۶ پوړونه لري او د پارکینګ لپاره اته تر ځمکې لاندې پوړونه هم پکې جوړ شوي دي.
د هوټل ۷۳۵۱ خونې په بېلابېلو ډولونو وېشل شوې دي، چې پکې ۳۱۶۴ عادي خونې، ۲۹۲۲ لوکسې خونې، ۶۴۹ درې کسیزې لوکسې خونې، ۴۸۰ سوپریر لوکسې خونې او ۱۳۶ ورلډ کلب خونې شاملې دي.
د د نړۍ تر ټولو لوی هوټل په توګه د فرسټ ورلډ هوټل ریکارډ له ۲۰۱۵ کال راهیسې نه دی مات شوی او لا هم د خونو د شمېر له مخې د نړۍ په کچه لومړی ځای لري.
