کندهار که څه هم تاریخي ځایونه لري، خو د سکندر کبیر یادګار هم دی

لوی سکندر په۳۲۹ ق م کې د الکساندریا اراکوشیا ښار تاسیس کړ چې اوس یې نوم کندهار دی. کندهار د افغانستان دویم لوی ښار دی چې ګڼ نفوس او د ډېرو پېښو شاهد تاریخ او جالب کلتور لري.

حرقه شریفه

خرقه شریفه یو سپیڅلی زیارت دی چې د افغانستان په کندهار کې موقعیت لري. دا زیارت د کندهار جومات ته څېرمه او د والي د ودانۍ مخې ته موقعیت لري، او دا ځای د سیلانیانو لپاره جالب او ډېری وخت ترې لیدنه کوي.

د ودانۍ بهرنۍ برخه په زرغون مرمر پوښل شوې او سطحې یې ټایل شوي او ښکلي محرابونه یې په سپینو زرو سینګار شوي دي. هغه څادر چې په جومات کې دننه ده لږ تر سترګو کیږي ځکه چې د مسجد اړوند د دروازه تړل شوې ده. د روایتونو له مخې دا چادر حضرت محمد (ص) اغوستی وه. د طالبانو په وخت کې ملا عمر دغه څادر اغوستی وه. خو د طالبانو له نسکوریدو وروسته بیرته دغه زیارت ته ور وړل شو. دا ځای د افغانستان یو له ملي میراثونو څخه شمیرل کیږي.

نور ولولئ:په کابل کې د لیدلو لپاره غوره ځایونه

نور ولولئ:د چین تاریخي دیوال سوري کوونکي کسان ونیول شول

نور ولولئ: د غزني تاریخي ابدو لېدنې ته ګڼ سیلانیان ورمات شوي

په کندهار کې چهل زینه

چهل زینه د کندهار په زاړه برخه کي د غره په سر کي يوه کوچنۍ برج او تاريخي ودانۍ ته ختلي ده. دا تاریخي اثار چې په غره کې په طبیعیت کې نقاشي شوي د افغانستان یو له سیاحتي ځایونو څخه دی.

د مغلو امپراتور بابر د خپلو فتوحاتو کیسه د چهل زینې پر دیوالونو په فارسي ژبه نقاشي کړي او لیکله ده چې لوستل یې هر چا ته خورا جالب دي.

د بابا ولي زيارت

د بابا ولي زيارت د ارغنداب سيند پر غاړه د افغانستان يو له مشهورو ځايونو څخه دی، چې د کندهار پخواني والي او جهادي قومندان ګل اغا شيرزي د ميليونونو ډالرو په ارزښت له سره ورغاوه.

ددې تر څنګ د ارغنداب سیند په خپله هم یو ښایسته منظره لري چې شاوخوا سیمې یې ټولې د انګورو پر باغونو او نورو فصلونو ښایسته دي.

د عیدګاه جومات

د کندهار عیدګاه جومات په افغانستان کې یو له سترو جوماتونو څخه دی، چې د کندهار پوهنتون په شاوخوا ۲۵ مترۍ کې موقعیت لري. د دې لوی جومات او شاوخوا سیمې د جوړولو لګښت چې زرګونه لمونځ کوونکي په کې ځای لري، د ملا عمر له خوا تمویل شوی او جوړ شوی و چې په سیمه کې خورا ښایسته جومات یادېږي.