راشد خان د هند اي پي ایل سیالیو کې د هندي بالر محمد شمي د زیاتو ویکټو اخیستو ریکارډ په خپل نوم کړ
د کرکټ ملي لوبډلې ورو توپ اچوونکی راشد خان چې د هند په سوداګریزو سیالیو کې له ګجرات لوبډلې سره لوبېږي، د دغې لوبډلې د بل تېز توپاچوونکي، محمد شمي د ډېرو ویکټو اخیستو ریکارډ مات کړې دی.
د «Cricinfo» ویب پاڼې د معلوماتو له مخې، د کرکټ ملي لوبډلې لوبغاړي راشد خان له ۲۰۲۲ کال راهیسې تراوسه د هند په سوداګریز لیګ کې د ګجرات لوبډلې لپاره ۳۶ لوبې ترسره کړې چې په دغو لوبو کې تر ټولو زیاتې ۴۹ ویکټې یې اخیستې دي.
د راشد خان غوره بالېنګ
هیټریک د کرکټ په اصطلاح کې په دریو پرله پسې توپونو د دریو لوبغاړو سوځولو یا اوټ کولو ته وايي. راشد خان د کرکټ د نړیوالې شورا د درجه بندي په اساس، د ۲۰ اورونو په نړیوالو لوبو کې لومړی ځای لري.
نور ولولئ: د لوبې پر مهال د راشد خان حرکات او د هغه راښکونکې ننداره
نور ولولئ: د راشد خان نوی ریکارډ؛ په دریو توپونو یې درې لوبغاړي وسوځول
نور ولولئ: راشد خان ولې له بېګباش سیالیو بهر کړی شو
راشد خان له څو کلونو راهېسې په دغه لیګ کې لوبېږي خو دا یې لومړی ځل و چې هیټریک یې وکړ. دغه افغان لوبغاړی د ګجرات ټایټنز په لوبډلې کې لوبېږي او نن د خپلې لوبډلې کپتان هم و.
نوموړي د کلکتې نایټ رایډرز په خلاف لوبې کې دا کارنامه وکړه
راشد خان د خپل څلورم او وروستي اور په دریو توپونو درې کسان اوټ کړل. دغه درې کسان انډري رسل، سونیل نرين او شرډل ټکور و.
په راشد خان باندې په ټولو څلورو اورونو کې ۲۶ منډې وشوې. راشد خان تر دې دمه د آی پي ال د ۲۰۲۳ کال په روانو سیالیو کې په دریو لوبو کې اته کسان سوځولي وو او د غوره توپ اچونکو په لېست کې یې ځای درلود.
دا په داسې حال کې ده چې له دې مخکې د هند تیز توپاچوونکي محمد شمي په ۳۳ لوبو کې د ګجرات لوبډلې په ګټه ۴۸ ویکټې اخیستې وې، خو راشد خان بیا ۴۹ وېکټې اخستي دي.
د یادونې ده چې روان ۲۰۲۴ کال د هند په سوداګریزو سیالیو کې له افغانستان څخه راشد خان، محمدنبي، عظمتالله عمرزی، فضلالحق فاروقي، رحمنالله ګربز، نوراحمد لکڼوال، نوینالحق او اللهمحمد غضنفر د بېلابېلا لوبډلو له لوري اخیستل شوي دي.
