رنبیر کپور: خوشحاله یم چې مور مې بیا فلمونو کې کار شروع کړ

د بالیووډ فلمونو مشهور اداکار رنبیر کپور وايي، چې هغه ډېر خوشحاله دی، چې مور یې، نیتو کپور، یو ځل بیا په فلمونو کې کار شروع کړی دی.

د رنبیر کپور مور نیتو کپور چې د مشهور اداکار رشي کپور مېرمن هم ده، یو مهال د هندي فلمونو مشهوره اداکاره وه، خو بیا یې په فلمونو کې کار پرېښود، خو اوس یې بیا په فلمونو کې کار شروع کړی دی. د رشي کپور له مړینې وروسته نیتو کپور بیا په فلمونو کې کار شروع کړ او د (جګ جګ جیو) په نوم فلم یې نندارې ته وړاندې شوی دی، چې خلکو ډېر خوښ کړی دی..

نور یی ولوله | شاه رخ خان: زما ښځه زما نه زیات د سنجی دت او عامر خان اداکاري خوښوي

نور یی ولوله | سلمان خان هم طلایي ویزه ترلاسه کړه

رنبیر کپور په یوه تازه مرکه کې وویل، زه د هغې لپاره ډېر خوشحاله یم چې بیا ځلې یې فلمونو کې کار شروع کړ، زه دې ته هیله من یم چې له هغې سره په کوم فلم کې یو ځای کار وکړم. د یادولو وړ ده، چې نیتو کپور ۶۴ کاله عمر لري، چې په ۱۹۶۶ کال کې یې په فلمونو کې کار پیل کړی و او له واده وروسته یې بیا په ۱۹۸۳ کال کې په فلمونو کې کار پرېښود، همدا راز ۲۰۰۹ کال کې بیا فلمونو ته راغله او تر ۲۰۱۳ کال پورې یې کار وکړ، خو اوس په ۲۰۲۲ کال کې بیا فلمونو ته راغله.

د هغې نوی فلم (جګ جګ جیو) چې د ۲۰۲۲ کال د جون په ۲۴مه نېټه په سینماګانو کې نندارې ته وړاندې شوی و، په ۸۵ کروړه روپۍ جوړ شوی او ۱۳۲ کروړه روپۍ یې وګټلې. په دې فلم کې د نیتو کپور ترڅنګ انیل کپور، ورون دهون او کیاره اډواني هم کار کړی دی