محکمې د پخواني لومړي وزیر عمران خان د محاکمې د استیناف پرېکړه ځنډولي
![3837091 194992238](https://afghannow.net/wp-content/uploads/2023/08/3837091-194992238-348x196.jpg)
د عمران خان د وروستي محکومیت او د فساد په قضیه کې د درې کلن بند په اړه د استناف غوښتنه ځنډولې
د عمران خان وکیل وايي، په اسلام اباد کې محکمې د یوې ورځې لپاره هغه مهمه پرېکړه وځنډوله چې تمه کېده د دغه هېواد د زنداني شوي پخواني لومړي وزیر له خوا د هغه د وروستي محکومیت او د فساد په قضیه کې د درې کلن بند په اړه د استیناف غوښتنه وکړي.
د خان وکیلانو وویل، د اسلام ایاد ستره محکمه به د جمعي په ورځ د خان د استیناف غوښتنې محکمه بیا پیل کړي.
د مجرم په توګه د عمران خان پېژندل کېدل
د کرېکټ پخواني ستوري او د اپوزیسیون لوړ پوړي مشر د خپلې دندې پر مهال د ترلاسه شویو دولتي ډالیو د پلورلو وروسته، د شتمنیو پټولو په تور مجرم بلل شوی و او د اګسټ په پنخمه د یوې بلې محمکې لخوا په بند محکوم شو.
نور ولولئ: محکمې د عمران خان ضمانت وغځاوه
خان د خپلې حقوقي ډلې له لارې د هغه د خوشې کېدو غوښتنه وکړه او ویې ویل، چې محکمې په بېړه د نوموړي په حق کې پرېکړه کړې.
۷۰ کلن خان چې د ۲۰۲۲ کال په اپریل کې د باور رایې د نه تر لاسه کولو له امله له واکه لرې شو، اوس د پنجاب ایالت په اټک زندان کې بندي دی.
نوموړي د فساد تورونه رد کړي او وايي، له قانونه یې سرغړونه نه ده کړې.
د عمران خان د خوشي کېدو په اړه د وکیلانو دلیلونه
د پنجشنبې په ورځ د خان حقوقي ډلې چې په کې بابر اعوان، لطیف کهوسه او نعیم حیدر پنجوته شامل وو، د خان د راخوشې کېدو په اړه خپل دلیلونه وړاندې کړل.
د محکمې د پریکړې تر اورېدو مخکې د خان وکیل پنجوته پر ټویټر پاڼه د خان د خوشې کېدو لپاره خوشحالي څرګنده کړه.
خان د تورونو او بندي کېدو سره، سره په پاکستان کې ډېر نوموتی شخصیت دی، د پاکستان تحریک انصاف ګوند تمه لري چې په راتلونکو ټاکنو کې به سیاسي مخالفین سخت وځپي.
نور ولولئ: بالاخره د عمران خان وکیل وتوانېده چې له خان سره وګوري
خان تر هغه وخته په ټاکنو کې برخه نه شي اخیستی، تر څو د ایستناف غوښتنه یې نه وي منل شوي او له زندانه نه وي خوشې شوی.
د اګسټ په لومړیو کې د پاکستان د ټاکنو کمیسیون ، پر خان د فساد د تورونو پر بنسټ د پنځو کلونو لپاره په ټاکنو کې له ګډون څخه منعه کړ.
د پاکستان د قانون له مخې هېڅ محکوم شوی کس د ګوند مشري نه شي کولی او په ټاکنو کي د ګډون حق نه لري.