افغانستان –
ملا هبت الله ویلی چی هغو افغانانو سره دې مرسته وشي چې د سیاسي او اقتصادي ستونزو له امله هېواد څخه وځی په داسې مهال کې چې د افغان کډوالو په تړاو نړیوال ډیر اندیښمن شوی د طالبانو مشر ملا هبت الله بهر ته د تلونکو افغانانو په تړاو خپلو واليانو ته هم لارښونې کړې .
نوموړي د هغو افغانانو په تړاو اندېښنه ښودلې چې له هېواده څخه وځی. ده علماو ،والیانو او له نورو مسولینو څخه غوښتنه کړی چې همدغه رنګه وګړو سره وګوري او د ستونزو د حل لپاره لارې چاری ولټوي. د طالبانو وياند ذبيح الله مجاهد چې دغه لارښونه پر خپله ټوټېر پاڼه نشر کړی په کې لیکلی هغه افغانان چې د سياسي يا اقتصادي ستونزو له امله هېواده څخه د وتلو هڅه کوي او ځينې يې غواړي چی له کوچنيانو او میرمنو سره لوېديځ هیوادونو ته لاړ شي.
دا هم ولولئ | طالب چارواکي په کابل کې د متحده عربي اماراتو د سفارت د بیا پرانیستلو خبر ورکړی.
د بېلابېلو دلایلو له مخې له يو شمېر امنيتي، اخلاقي او نورو بشري ستونزو سره مخامخ کېږي ښاغلی ویلی چی همدغه وګړی د لارو په اوږدو کی په کمپونو کې له بېلابېلو ستونزو او کړاونو سره مخامخ کېږي چې هغه د دوی د خپلوانو او د ټولو افغانانو لپاره د خواشینۍ لامل کیږی د طالبانو مشر ملا هبت الله اخوند ویلي دغه وګړی د پناه د اخیستلو لپاره جعلي اسناد جوړوي او حکومت تورن کوی . ښاغلی زياته کړی د دې پر ځای چې د ځینو اشخاصو مسلکي استعداد وړتيا د هېواد د سوکالۍ او پرمختګ په لارو چارو کې ولګول شي.
او هلته عادي حقيرو چارو سرته رسولو کې صرف کېږي. ملا هبت الله همدا رنګه د زياتو امنيتي تدابيرو د نيولو غوښتنه کړې چې زیاته کړی چا ته د وېرې خپرولو موقع پیدا نشي او په ځانګړې ډول يې ټينګار کړی چې هېڅوک د سوداګرو، کسبه ګرو او متخصصينو د خدمتونو او فعاليتو پر وړاندې خنډ جوړ نه کړي.
هغه وګړی چې په تېرو دوو لسیزو کې يې له لوېدیځو هېوادونو سره همکاري کړې د پخواني حکومت د امنيتي ځواکونو غړي او د مدني ټولنې يو شمېر فعالانو ویلی چې د طالبانو تر واکمنۍ څخه وروسته افغانستان کې ژوند له ګواښ سره مخامخ دي او له هېواده د وتلو هڅه کوي.
