نړیوالو بازارونو کې د تېلو بیې؛ د ایران او امریکا ترمنځ د روانو ترینګلتیاوو له زیاتېدو وروسته، نړیوالو بازارونو کې د تېلو بیې په چټکۍ لوړې شوې او اقتصادي شنونکي وایي، د هرمز تنګي وضعیت ښايي د نړیوالې انرژۍ بازار نور هم اغېزمن کړي.
د نړیوالو اقتصادي راپورونو له مخې، د برېنټ خامو تېلو بیه د دوشنبې په ورځ په هر بېرل کې له ۱۰۵ ډالرو واوښته، په داسې حال کې چې د امریکا خام تېل هم نږدې ۱۰۰ ډالرو ته رسېدلي دي.
نړیوالو بازارونو کې د تېلو بیې د هرمز تنګي له اندېښنو سره لوړې شوې
کارپوهان وایي، نړیوالو بازارونو کې د تېلو بیې تر ډېره د هرمز تنګي د امنیتي وضعیت له امله لوړې شوې دي، ځکه دا سمندري لاره د نړۍ د تېلو د لېږد له مهمو مسیرونو ګڼل کېږي.
د راپورونو له مخې، د امریکا ولسمشر ډونالډ ټرمپ د ایران هغه ځواب «د منلو وړ نه» بللی چې د واشنګټن د وړاندیز شوې طرحې په تړاو وړاندې شوی و. له دې وروسته نړیوال بازارونه د احتمالي پوځي کړکېچ او د تېلو د لېږد د خنډونو په اړه اندېښمن شوي دي.
اقتصادي شنونکي باور لري، که د ایران او امریکا شخړه پراخه شي، نړیوالو بازارونو کې د تېلو بیې به نورې هم لوړې شي او دا وضعیت به د نړۍ پر اقتصاد مستقیم اغېز وکړي.
نړیوالو بازارونو کې د تېلو بیې او د انرژۍ نړیوال بازار
ځینې نړیوال راپورونه وایي، د تېلو یو شمېر ټانکرونه د هرمز تنګي له لارې د تېرېدو پر مهال خپل تعقیبي سیسټمونه بندوي، څو د احتمالي بریدونو له خطره ځان خوندي وساتي.
بلخوا د سعودي ارامکو چارواکو ویلي، د تېلو په عرضه کې وروستي خنډونه د انرژۍ نړیوال بازار اغېزمن کړی او بازار ته د ثبات بېرته راګرځېدل به وخت ونیسي.
هرمز تنګی د نړۍ د تېلو د لېږد له مهمو لارو څخه شمېرل کېږي او د منځني ختیځ د صادراتي تېلو لویه برخه له همدې لارې نړیوالو بازارونو ته رسېږي. له همدې امله، په دې سیمه کې هر ډول امنیتي کړکېچ معمولاً نړیوالو بازارونو کې د تېلو بیې لوړوي.
