پر بدن د کوکا کولا خطرناکې اغېزې؛ له څښلو یو ساعت وروسته څه پېښېږي؟

لیلا حبیبي

ایا پوهېږئ پر بدن د کوکا کولا خطرناکې اغېزې څومره ژورې دي؟ په دې تفصیلي مقاله کې ولولئ چې د یو قوطي کولا له څښلو یوازې ۶۰ دقیقې وروسته ستاسو په روغتیا، هډوکو او اعصابو کې کوم بوږنوونکي بدلونونه رامنځته کېږي.

په ننني عصر کې د کوکا کولا او نورو ګاز لرونکو مشروباتو څښل په یو عام عادت بدل شوي دي. که څه هم په نړۍ کې روغتیايي بنسټونو په وار وار د دې مشروباتو د زیانونو په اړه خبرداری ورکړی، خو له بده مرغه په درېیمه نړۍ او په ځانګړي ډول زموږ په ټولنه کې روغتیايي پوهاوی خورا ټیټ دی. ډېری خلک یوازې د خوند لپاره دا څښاک کاروي، مګر پر بدن د کوکا کولا خطرناکې اغېزې دومره جدي دي چې که پرې پوه شئ، شاید بیا ورته نږدې هم نشئ. پر بدن د کوکا کولا خطرناکې اغېزې

ګاز لرونکي مشروبات څه شی دي؟

کاربونیټ یا ګاز لرونکي مشروبات هغه مایعات دي چې کاربن ډای اکسایډ (CO2) پکې منحل شوی وي. دا پروسه د لوړ فشار لاندې ترسره کېږي ترڅو ګاز په اوبو کې حل شي. کله چې تاسو د کوکا کولا قوطی پرانیزئ، فشار ختمېږي او کاربن ډای اکسایډ په وړو حبابونو بدلېږي. د دې موادو ترکیب او په بدن کې د هغوی کیمیاوي غبرګون د ډول ډول ناروغیو لاره هواروي. پر بدن د کوکا کولا خطرناکې اغېزې

د کوکا کولا له څښلو وروسته ۶۰ دقیقې؛ یو ویجاړونکی سفر

په برېتانیا کې د “ډیلي میل” ورځپاڼې د یوې نوې څېړنې پر بنسټ، پر بدن د کوکا کولا خطرناکې اغېزې په لومړیو ۶۰ دقیقو کې په لاندې ډول څرګندېږي:

۱. لومړۍ ۱۰ دقیقې (د بورې هجوم)

کله چې تاسو یو قوطی کوکا کولا وڅښئ، په لومړیو ۱۰ دقیقو کې نږدې ۱۰ قاچوغې بوره په یوځل ستاسو بدن ته ننوځي. دا د یو انسان د ۲۴ ساعتونو د بورې ۱۰۰ سلنه اړتیا پوره کوي. په نورمال حالت کې که دومره بوره وخوړل شي، انسان کانګې (ګرځول) کوي، خو په کولا کې موجود فاسفوریک اسید د بورې خوند ماتوي او مخه یې نیسي.

۲. ۲۰ دقیقې وروسته (د ځیګر غبرګون)

په وینه کې د بورې اندازه په ناڅاپي ډول لوړېږي، چې له امله یې پانکراس د انسولین تولید زیاتوي. په دې پړاو کې ځیګر خپل ټول فعالیت پیلوي ترڅو دا اضافي بوره په غوړو (تریګلسراید) بدل کړي، چې دا غوړ بیا په خېټه او نورو غړو کې زیرمه کېږي. پر بدن د کوکا کولا خطرناکې اغېزې

۳. ۴۰ دقیقې وروسته (د وینې فشار او بې خوبي)

بدن د کوکا کولا ټول کافین جذبوي. د دې په پایله کې ستاسو د سترګو کیسې (پتلي) غټېږي او د وینې فشار لوړېږي. ځیګر د ځواب په توګه نوره بوره وینې ته ټېل وهي. په مازغو کې د “اډینوزین” رسپټورونه بندېږي، چې دا چاره د سړي خوب تښتوي او د بې خوبۍ لامل ګرځي.

۴. ۴۵ دقیقې وروسته (اعتیاد او خوند)

په بدن کې د “ډوپامین” مادې کچه لوړېږي. ډوپامین هغه عصبي لیږدونکې ماده ده چې په مازغو کې د خوند او پاداش مرکز فعالوي. دا کټ مټ هغه ډول اغېزه ده چې هیرویین او نور مخدره توکي یې پر انسان کوي، له همدې امله انسان د کوکا کولا په څښلو روږدی کېږي.

۵. ۶۰ دقیقې وروسته (د منرالونو ضایع کېدل)

په معده کې موجود فاسفوریک اسید له کلسیم، مګنیزیم او زینک سره یوځای کېږي. دا چاره میټابولیزم لوړوي، مګر په ورته وخت کې د کافین د ادرار کوونکي (Diuretic) خاصیت له امله، دا ټول حیاتي منرالونه له بدن څخه د ادرار له لارې بهر کېږي.

پر هډوکو او غاښونو د کوکا کولا اغېزې

هغه کلسیم، مګنیزیم او زینک چې باید ستاسو هډوکو او غاښونو ته رسېدلي وای، د کوکا کولا په څښلو سره له بدنه وځي. له همدې امله پر بدن د کوکا کولا خطرناکې اغېزې په ماشومانو کې ډېرې جدي دي، ځکه د هغوی هډوکي کمزوري کوي او غاښونه یې له وخت وړاندې خرابوي. له ۶۰ دقیقو وروسته چې کله په بدن کې د بورې کچه بېرته ناڅاپه راښکته شي، انسان د ستړیا او بدخلقۍ احساس کوي.

پایله او حل لاره

بوره، سپین اوړه او مالګه د نن عصر “سپین زهر” بلل کېږي. کله چې تاسو په یوه قوطي کولا کې لس قاچوغې بوره خورئ، نو ستاسو ځیګر، زړه او هډوکي تر سخت فشار لاندې راځي. د خپلې روغتیا د ساتلو لپاره تر ټولو غوره لاره دا ده چې د دې ګاز لرونکو مشروباتو پر ځای له طبیعي اوبو، شیدو او طبیعي شربتونو ګټه پورته کړئ. په یاد ولرئ چې پر بدن د کوکا کولا خطرناکې اغېزې یوازې یوه اوازه نه، بلکې یو ثابت شوی ساینسي حقیقت دی.