کله تاسو پوه شوي یاست چې نورو ته څومره جذاب یاست؟

ایا تاسو کله داسې څوک لیدلي چې تاسو ته یې کتل او تاسو له ځانه پوښتلي وي: “هغه څه ته ګوري؟” حقیقت دا دی چې ډیری وخت موږ په دې نه پوهېږو چې نورو ته څومره جذاب یو.

موږ عموماً خپلو نیمګړتیاوو ته پام کوو او هغه کوچني ټکي له پامه غورځوو چې ښايي موږ ته وښيي چې موږ تر خپلو تصوراتو څخه ډېر جذاب یو.

د ۲۰۱۷ کال د یوې څېړنې پایلې، چې په «په ارواپوهنه کې پولې» ژورنال کې خپرې شوې وې، څرګنده کړه چې جذابیت یوه څو-حسي تجربه ده.

څېړنه ښیي چې که څه هم ظاهري ښکلا ډېره مهمه ده، خو د یو کس د جذابیت د ارزونې لپاره نور حواس هم کارول کېدای شي.

دلته دوه مهم حسي نښې یادوو چې لرل یې دا معنا لري چې تاسو د خپل تصور په پرتله ډېر جذاب یاست:

خلک ستاسو غږ ته جذبېږي

کېدای شي تاسو خپل غږ ته ډېر پام ونه کړئ، خو نورو ته ستاسو غږ بې جوړې وي. که نور خلک ستاسو خبرې اورېدل خوښوي یا ستاسو د غږ تعریف وکړي، دا ښايي وښيي چې هغوی تاسو تر هغه څه چې فکر کوئ، ډېر جذاب ګڼي.

څېړونکي وايي:

“غږیزې نښې نورو ته دا توان ورکوي چې د جنسیت، عمر، د همکارۍ کچې، احساساتي حالت، فزیکي ځواک، د بدن اندازې، او حتی د زیږون وړتیا په اړه نسبتاً دقیقه قضاوت وکړي.”

نور ولولئ: د پرینکا چوپړا د کم سارې ښکلا راز

نور ولولئ: د انجلینا جولي ښکلا لا هم مشهوره ده

څېړنې ښودلې چې نجونې هغه نارینه غږونه خوښوي چې ټیټه فریکونسي ولري، او هلکان بیا د لوړې فریکونسۍ ښځینه غږونو ته جذبېږي.

ستاسو غږ عاطفي حس، خواخوږي، او د باوروړوالی (اعتماد) هم لېږدوي. ستاسو د غږ اواز، ټون، او تال له اورېدونکو سره د عاطفي اړیکو په جوړولو کې مرسته کوي.

همدا لامل دی چې ځینې خلک ستاسو ترڅنګ ارام احساسوي، په اسانه له تاسو سره اړیکه نیسي، یا په ټولنیزو چاپېریالونو کې تاسو ته جذبېږي.

ستاسو طبیعي بوی د نورو پام ځان ته را اړوي

بوی زموږ په اړیکو کې پیاوړی رول لوبوي او ډیری وخت بې له دې چې موږ پرې پوی شو، خلک جذبوي.

څېړونکي وايي:

“هغه معلومات چې د یو چا د بدن له بوی څخه ترلاسه کېدای شي حیرانوونکي دي. انسانان کولای شي د بدن د بوی له لارې د جنسیت، شخصیت، رژیم، جنیټیکي مطابقت، روغتیایي حالت، او عمر په اړه قضاوت وکړي.”

په ۲۰۲۱ کال کې یوې څېړنې وموندله چې ښه بوی، که طبیعي وي یا د عطرو له لارې ترلاسه شوی وي، زموږ اعتماد په ځان زیاتوي او موږ نورو ته جذاب کوي.

که څه هم د اړیکو یا په پیل کې لیدل او غږ ډېر اهمیت لري، خو د بوی ځانګړتیا هغه وخت ډېر اهمیت مومي کله چې اړیکه نژدې او فزیکي شي.

څېړونکي باور لري چې یوه زړه‌راښکونکې څېره، ښه غږ، او بوی ټول کولی شي د جذابیت په اړه د خلکو عمومي درک زیات کړي. خو حتی که بصري یا د لیدو نښې نه وي، یو خوږ غږ یا زړه راښکونکی بوی هم مثبت او دوامداره اغېز پرېښودای شي.

 جذابیت ډېر پیچلی دی

د جذابیت مفهوم زموږ تر تصور ډېر پیچلی دی. که څه هم لومړني عوامل چې زموږ له کنټرول څخه بهر دي، کېدای شي په پیل کې جذابیت سبب کېږي، خو د اړیکې دوام په دې پورې تړلی چې موږ څوک یوو او له نورو سره څنګه چلند کوو.

په طبیعي ډول موږ کېدای شي تر هغه ډېر جذاب واوسو چې فکر یې کوو، خو ریښتینی جذابیت زموږ د شخصیت په ودې پورې اړه لري. صداقت، مهرباني، او عاطفي تودوالی هغه اغېزې دي چې اغېز یې اوږدمهاله پاتې کېږي.

نو د هغه ښکلا قدر وکړئ چې نور یې په تاسو کې ویني، خو په یاد ولرئ چې همدا یوازینی شی نه دی چې تاسو د نورو لپاره ځانګړي کوي.