هغه ښځې چې اکثره وخت په کور کې وي، کلسیم اخیستو ته ډېره اړتیا لري
کلسیم پوره کول د هډوکو ساتنې، د بندونو د درد مخنیوي او روغتیا ته تر ټولو ډېر ضرور دي. ډېری خلک د کلسیم په اخیستو یا پوره کېدو کې بې غوري کوي. دغه بې غوري بالاخره ددې لامل شي چې بیا دا ډول ښځې یا نرینه د هډوکو په درد او ناروغۍ اخته کېږي.
پوره کلسیم درلودل د هډوکو په قوي کولو، په هډوکو کې د وینې د حجرو تازه ساتلو، د هورمونونو په تشرح او د غړو په قوي کولو کې مرسته کوي.
کلسیم له کومو خوړو اخیستل کېږي؟
د هغو مېرمنو لپاره چې اولادونه راوړي، ډېره ضرور ده چې د بېلابېلو خوراکونو په واسطه په خپل بدن کې د کلسیم کچه پوره کړي.
هغه خواړه چې کلسیم پوره کوي، شیدې، مستې، پنیر، سویه شیدې، ماهیان، د هګیو سپین، سپینه لوبیا، نخود، سبزيجات او ځینې نور شامل دي.
نور ولولئ: ۸ هغه عام خواړه چې الرجي لري
نور ولولئ: هغه خواړه چې د مور شیدي ډېروي
که یاد شوي خواړه هره مېرمن په ورځني خوراک کې شامل کړي او هره ورځ ترې ګټه پورته کړي، نو دوی کولی شي چې په بدن کې د کلسیمو کچه پوره او یو قوي بدن ولري.
د خوراکونو ګټې
مستې نه یوازې یو له غوره کلسیم بډایه خواړو څخه دي بلکې د معافیت سیسټم ساتلو لپاره هم ښې دي، د زړه روغتیا ته وده ورکوي او زموږ د بدن د مغذي موادو جذب ظرفیت لوړوي.
لوبیا هغه کوچني تخمونه دي چې د Fabaceae نبات کورنۍ څخه سرچینه اخلي، یو له هغو خوړو څخه دی چې کلسیم لري، دا په مختلفو لارو پخېدلی شي چې لاندې روغیتیايي ګټې هم لري.
روغتیا ګټې؛ لوبیا اړین غذایی مواد لکه اوسپنه او زنک وړاندې کوي چې کیدای شي د هغو کسانو لپاره خورا مهم وي چې د سبزیجاتو خواړه خوري، خو کلسیم لرونکي خواړه په کې لږ وي.
لوبیا کافي فایبر لري: لوبیا په غذايي فایبر کې بډایه دي، په هضم کې مرسته کوي او د کولمو منظم حرکت هڅوي، کوم چې د صحي کولمو سره مرسته کوي.
د وینې د شکر تنظیم کول: په لوبیا کې موجود فایبر او پروټین د وینې د شکر کچه په ثبات کې مرسته کوي او د شکر ناروغۍ اداره کولو کې ګټور دي.
پر دې سربېره ښځې کولی شي چې لمر واخلي، قدم ووهي او له کوره د باندې ووځي او تازه هوا واخلي.
کلسیم اخیستل اړین دي او ښځې باید ورته پاملرنه وکړي.
