د پاکستان بالرانو افغان توپوهنکو ته اجازه ورنه کړه چې له ۵۹ ډېرې منډې جوړې کړي
پاکستان لوبډلې له افغان سیالانو د یوې ورځنیو لوبو لړۍ لومړۍ سیالي د ۱۴۲ منډو په هدف وګټله. پاکستان لوبډلې له دې مخکې افغانستان ته د ۲۰۲ منډو هدف وټاکه.
د افغانستان له لوري د لوبې پيل ښه نه و او ایله د دریو منډو بدل کې افغان لوبډلې دوې وېکټې له لاسه ورکړې. په رحمت شاه او ابراهیم ځدراڼ پسې حشمت الله شهیدي هم د هېڅ یوې منډې له ترلاسه کولو پرته خپله وېکټه له لاسه ورکړه.
افغان ملي لوبډلې یوازې ۱۹ اورونه ولوبول
د لوبې په ۱۹ اوور کې د افغانستان ټوله لوبډله له میدانه بهر شوه، چې ایله ۵۹ منډې یې کړې وې.په نننۍ لوبه کې د پاکستان له لوري د حارث روف خورا عالي توپ اچوونه یا بالینګ د دې لامل شو، چې په شپږ اعشاریه دوو اوورونو کې د ایله ۱۸ منډو بدل کې پنځه لوبغاړي له میدانه بهر کړي.
نور ولولئ: افغانستان په کرکټ کې شري لنکا ته ماته ورکړه
د افغانستان له لوري بیا د بېټینګ یا توپ وهنې برخه کې یوازې دوه لوبغاړي وتوانېدل د منډو شمېر دوو عددونو ته ورسوي، رحمان الله ګوربز د ۱۸ او عظمت الله عمرزي د ۱۶ منډو له جوړولو وروسته خپلې وېکټې له لاسه ورکړې.
مخکې پاکستان لوبډلې د دې لوبې پچه وګټله، لومړی یې د بېټینګ یا توپوهنې پرېکړه وکړه او د لوبې په ۴۷ اعشاریه یو اوور کې یې د ټولو لوبغاړو له سوځېدو وروسته ۲۰۱ منډې وکړې.
هغه لوبغاړي چې په صفر وسوزېدل
د افغانستان په ځوابي لوبه کې په رحمت شاه او ابراهیم ځدراڼ پسې حشمت الله شهیدي هم د هېڅ یوې منډې له ترلاسه کولو پرته خپله وېکټه له لاسه ورکړه.
د اتم اوور تر پایه افغانستان ایله ۱۸ منډې درلودې او څلور لوبغاړي یې له میدانه بهر شوي وو. تر اتلسم اوور پورې افغان لوبډلې ۵۵ منډې کړې وې او ۷ وېکټې یې له لاسه ورکړې.
نور ولولئ: د کرکټ درې اړخیزه لوبلړۍ؛ د افغان تنکیو ځوانانو لوبډله پایلوبې ته ووته
د پاکستان له لوري تر ټولو ډېرې (۶۱ منډې) امام الحق وکړې. د افغانستان له لوري بیا مجیب الرحمان تر ټولو ډېرې ۳ وېکټې واخیستې.
د درې ورځنیو لوبو دا لړۍ پرون سې شنبه په سري لنکا کې پیل شوه.
دغه لوبه د شري لنکا په سویلي همبانتوتا ښار کې روانه ده. د سوپرکولا جام په نوم د دې لوبلړۍ کوربتوب افغانستان کوي.
د دغه سریز دوه نورې لوبې هم پاتې دي.
