د هند د دوو قومونو تر منځ شخړه؛ لومړی وزیر یې اپوزیسیون سره کرکېچ مخ کېږي
![Narendra Modi 2](https://afghannow.net/wp-content/uploads/2023/07/Narendra-Modi-2-348x196.jpg)
هند کې د یادو قومونو تر منځ د شخړې امله کېدای مودي له اپوزیسیون سره بلاک کې واقع کړي
د هند لومړی وزیر نرېندرا مودي حکومت به مانیپور ایالت کې د تاوتریخوالي له امله اپوزیسون سره کړکېچ کې د پارلمان له خوا د نه باور رایې سره مخ کېږي.
د اپوزیسون یو وکیل نن چارشنبه د نه باور رایې طرحه وړاندې کړه.
د اپوزیسون مشرانو ویلي، دا کار یې پر مودي د فشار راوستو لپاره دی چې د مانیپور په اړه یې خبرو کولو ته اړ کړي.
دوی غوښتنه کوله چې ښاغلی مودي دې په دغه ایالت کې قومي شخړو په اړه پارلمان ته وینا وکړي.
هند کې د دوو قومونو شخړه
مانیپور کې د می میاشتې راهیسې د اکثریت میتي او لږکیو کوکي قومونو تر منځ د تاوتریخوالي له امله لږ تر لږه ۱۳۰ کسان وژل شوي او لسګونه نور بې ځایه شوي دي.
نور ولولئ: افغانستان به د شنګهای غونډې د بحث سرټکی وي
تېره اوونۍ یوه ویډیو پر خواله رسنیو خپره شوه، چې دوه ښځې د یوې ډلې له خوا بربنډې روانې کړل شوې وې، دغې ویډیو د نړۍ په کچه د خلکو غوسه راپارولې وه.
دې پېښې ته په غبرګون کې ښاغلي مودي خپله چوپیتیا ماته کړه، هغه وویل:”دا پېښه د هند لپاره شرموونکې ده او عاملین به یې و نه بښل شي.”
له نه باور رایې سره د مودي مخ کېدو تکرار
دا دویم ځل دی چې د ښاغلي مودي حکومت په ۲۰۱۴ کال واک ته له رسېدو راهیسې د نه باور وړ رایې سره مخ کېږي.
د نه باور طرحه یوازې په لوک سبها کې د پلې کېدو وړ ده او هغه وخت منل کېدای شي چې لږ تر لږه ۵۰ وکیلان یې ملاتړ وکړي.
له منل کېدو وروسته به یې په لسو ورځو کې د رای ورکولونېټه اعلانېږي.
که حکومت اکثریت رایه و نه ګټي باید استفعا ورکړي.
د نرېندرا مودي په مشرۍ د بهارتیا جنتا ګوند د رایې له لاسه ورکولو په اړه ا ندېښمن نه دی، ځکه دا ګوند او متحدین یې د لوک سبها په ۵۴۳ غړو کې اکثریت څرګند شمېر لري.
نور ولولئ: بایډن او مودي: طالبان دې د ښځو او نجونو ته حقوق ورکړي
خو لومړی وزیر باید د خپل دولت د دفاع لپاره خبرې وکړي چې همدا د اپوزیسون هدف دی.
د کانګرس مشر مانیکام ټاګور ویلي “مخالفین اړ شوي چې د نه باور رایې طرحه د خپلې وروستۍ وسلې په توګه وکاروي.”
دا په داسې حال کې ده چې هند د نړۍ په لومړي لوی شمېر لرونکي نفوس په سر کې قرار لري.