د یهودانو پر معبد برید کوونکي ته د اعدام سزا ورکړل شوه
![gettyimages 1055768974](https://afghannow.net/wp-content/uploads/2023/08/gettyimages-1055768974-348x196.jpg)
امریکا کې د یهودانو پر معبد هغه بریدګر ته د اعدام سزا ورکړي چې ۱۱ کسان یې وژلي وو
د امریکا متحدو ایالتونو یوه عدلي پلاوي هغه بریدګر ته د اعدام سزا ورکړې، چې د ۲۰۱۸ کال اکتوبر کې یې په پیټسبرګ کې د یهودانو پر یوه معبد برید کې ۱۱ کسان وژلي وو.
د دې سزا عملي کېدو لپاره د ۱۲ قاضیانو ډلې باید په یوه خوله رایې ورکړې وای. څارنوالۍ بیا له قاضیانو غوښتي وو، چې د اعدام سزا په حق کې رایې ورکړې. همدې عدلي او قضايي پلاوي ته ثابته شوه، چې د ژوند ونه نومي
پر بریدګر لګېدلي تورونه حقیقت و
د امریکا په تاریخ کې د یهودانو پر معبد دا تر ټولو خونړی برید بلل کېږي. معبد پر دې بریدګر ټول ۶۳ لګېدلي تورونه رښتیني وو.
قاضیانو تر لسو ساعتونو پورې دوې ورځې د دې قضیې ارزونه کوله او پر دویمه ورځ پرېکړې ته ورسېدل. بریدګر رابرټ بوورس په هغه برید کې ۱۱ کسان وژلی وو، چې عمرونه یې د ۵۴ او ۹۷ کلونو تر منځ وو.
نور ولولئ: منصفه هیئت ټرمپ رسما تورن کړ
په هغه پېښه کې د پنځو پولیسو په ګډون چې د پېښې ځای ته رسېدلي وو، اووه کسان ټپیان شوي هم وو.
د پرېکړې پر مهال د محکمې په ودانۍ کې دننه خبریالانو وویل، کله چې محکمې پرېکړه اوروله بوورس هېڅ غبرګون څرګند نه کړ. د پېښې ځینې ژوندي پاتې کسانو بیا د اعدام له سزا سره مخالفت کړی، خو په برید کې د وژل شویو ډېری کسانو کورنیو دوی د بوورس لپاره د اعدام سزا ملاتړ کوي.
نور ولولئ: محکمې هغه سړی سپین بللی چې خپله ناروغه ښځه یې وژلي وه
تېره ورځ په یوه خبري غونډه کې د پېښې ډېری قربانیانو کورنیو غړو او د هغې پېښې ځینې ژوندي پاتې کسانو وویل، د محکمې له پېښې وروسته راحت شوي دي.
د یاد مجرم په اړه د څارنوالانو غوښتنه
څارنوالانو بیا ځکه د بوورس لپاره د اعدام سزا غوښتنه کوله، چې په وینا یې دا ۵۰ کلن مخکینی لارۍ ډرېور لا هم د یهودانو لپاره په زړه کې کرکه ساتي او پر خپلو کړنو پښېمان نه دی.
د یادونې ده، چې په امریکا کې فدرالي څارنوالۍ خورا کمساري توګه د تورنو کسانو لپاره د اعدام سزا غوښتنه کوي. تمه کېږي چې بوورس ته به رسماً د پنجشنبې پر ورځ سزا اعلان شي.
د جوبایډن د ولسمشرۍ په دوره کې داد اعدام لومړنۍ سزا ده چې امریکایي قضايي سیستم یې اوروي.