دلته په دې باندې بحث کوو چې ایا حیوانات له زلزلې مخکې پوهېږي او کنه؟
په ډېریو سیمو او هېوادونو کې داسې ویل کېږي او د خلکو تر منځ عامه ده چې له زلزلې مخکې څاروي پوهېږي چې څه روان دي او له همدې امله دوی نارامه وي، خو په دې برخه کې بېلابېل اندونه موجود دي. مثلا: څوک وايي چې دا رښتیا ده او څوک بیا نور احتمالات وړاندې کوي.
ځینې بیا وايي چې نه، کله چې زلزله وشي نو په دې وخت زموږ پام شي چې کېدای شي، دا حیوانات له همدې امله نارامه وي، خو ځینې بیا دا واقعیت بولي.
نور ولولئ: د بایډن داړونکی سپی؛ تازه یې د سپینې ماڼۍ کارمند داړلی دی
دې ته په کتو سره چې ځینې څاروی له زلزلې دمخه غیر معمولی چلند ښیې ، ادعا کیږی چې څاروی کولی شی د زلزلې وړاندوینه وکړی.
د ځینو حیواناتو غیر معمولي چلند
سپی له زلزلې مخکې ډیرې کوکارې وهي ، په یوه ګوښه ځای کې پټیږي او بهر ته له تلوډډه کوي.
پیشوګانې نا ارامه کیږی ، ډیر میو۰ میو کوي، یا په غیر معمولی ځایونو کې پټیږي.
مرغان سندرې ویل بندوي ، په غیر معموله بڼه الوزي ، یا د معمول خلاف ډېر او په لوی شمېر سره یوځای کیږي.
نور ولولئ: کورونا ویروس له کومه راپیدا شوی – ایا ساینسپوهانو دا معما حل کړې؟
کبان له اوبو څخه ټوپونه وهي، یا په عجیب ډول په سېندونو او جهیلونو کې لامبي. داسې هم ویل کېږي چې فیل بې هوښه کیږي او ژاړي.
په دې اړه د ساینسپوهانو نظر
ساینس پوهان دغو نښو نښانو ته په کتو سره، په دې باور دي چې څاروي کولی شي له زلزلې مخکې چاپېریالي بدلونونه احساس کړي.
د پوهانو په باور، حیوانات دا بدلونه د مقناطیس په ساحه، د ځمکې په خوځښتونو او له ځمکې څخه په وتونکو ګازو کې محسوسوي.
ځینې څاروي؛ په ځانګړې توګه الوتونکي ، د دوی په بدن کې مقناطیسي ذرات لري چې له دوی سره د نیویګیټ کولو کې مرسته کوي. دا ذرات ممکن له زلزلې سره تړلي مقناطیسي بدلونونو په اړه د څارویو پوهه فکتور کړي.
په دې اړه ځینو نورو څېړنو ته هم اړتیا ده تر څو دا جوته شي چې ایا له زلزلې مخکې د حیواناتو دا ډول حرکات رښتیا هم د زلزلې له امله دي او که کوم نور عوامل هم په دې برخه کې شامل دي.
