د هډوکو پیاوتیا؛ په ورځني ژوند کې دا ساده عادتونه خپل کړئ

ایا غواړئ د د هډوکو پیاوتیا لپاره اسانه لارې ومومئ؟ په دې مقاله کې په پاکستان او نړۍ کې د روغتیايي څېړنو پر بنسټ د هډوکو د پیاوړتیا لپاره د زینو ختلو او نورو ساده عادتونو ګټې ولولئ.

د هډوکو پیاوتیا د سالم ژوند لپاره یو له بنسټیزو اړتیاوو څخه ده. روغتیايي څېړونکي وايي، لکه څنګه چې په پاکستان او نورو هېوادونو کې د هډوکو د کمزورۍ ستونزې زیاتې شوي، نو پکار ده چې خلک د خوراک ترڅنګ خپلو ورځنیو عادتونو ته هم پام وکړي. که څه هم د کلسیم او ویټامین ډي لرونکې خواړه خورا مهم دي، خو ځینې ساده فزیکي فعالیتونه هم د هډوکو په جوړښت کې حیاتي رول لوبوي. د هډوکو پیاوتیا

پر زینو ختل او د هډوکو پیاوتیا

تازه طبي څېړنې ښيي چې په ورځني ژوند کې “پر زینو ختل” یو له ټولو اغېزمنو تمرینونو څخه دی. کله چې یو څوک پر زینو خېژي، د هغه د بدن وزن پر هډوکو فشار راوړي. دا فشار د دې لامل کېږي چې هډوکي لا پسې قوي شي. دې طبیعي پروسې ته د هډوکو بیا جوړونه (Bone Remodeling) وايي، چې د وخت په تېرېدو سره د هډوکو کثافت او جوړښت ښه کوي.

د عمر زیاتېدل او مینوپاز (Menopause)

څېړونکي وايي چې د عمر په تېرېدو سره د هډوکو طبیعي ځواک کمېږي. دا ستونزه په ځانګړي ډول په ښځو کې له مینوپاز (Menopause) وروسته ډېره لیدل کېږي.

مینوپاز څه شی دی؟ مینوپاز د ښځو د شنډېدو یا د میاشتنۍ ناروغۍ د درېدو دورې ته وايي چې معمولاً د ۴۵ او ۵۵ کلنۍ ترمنځ پېښېږي. په دې پړاو کې د هورمونونو د بدلون له امله هډوکي په چټکۍ سره کمزوري کېږي، خو د بدن د بیارغونې وړتیا لا هم شتون لري.

هډوکي د عضلو په څېر کارول غواړي

د روغتیايي متخصصینو په وینا، هډوکي هم د عضلو په څېر دي؛ هر څومره چې وکارول شي، هماغومره قوي کېږي. په پاکستان کې د هډوکو د ناروغیو ډاکټران سپارښتنه کوي چې حتې سپک بدني حرکتونه هم کولی شي د هډوکو د پوډر کېدو (Osteoporosis) مخه ونیسي.

د هډوکو د ساتنې لپاره ګټورې لارښوونې:

۱. پر زینو ختل: که په دفتر یا کور کې یاست، د لېفټ پر ځای له زینو کار واخلئ.

۲. متوازن خواړه: د کلسیم او ویټامین ډي لرونکي خواړه ستاسو د د هډوکو پیاوتیا لپاره اړین دي.

۳. فزیکي فعالیت: په ورځ کې لږ تر لږه ۲۰ دقیقې پیاده تګ یا سپک تمرین وکړئ.

په ټوله کې، د هډوکو روغتیا یوازې په درملو پورې تړلې نه ده. په ورځني ژوند کې کوچني بدلونونه، لکه پر زینو ختل، کولی شي په اوږدمهاله ډول ستاسو د بدن د هډوکو جوړښت وساتي او تاسو له راتلونکو روغتیايي ستونزو وژغوري.